木玥巷 (已結業)

今日好想食台灣野，咁岩係元朗行街見到呢間就入去試試啦～一入到去服務幾好，即刻有人招呼我地入座，感覺唔錯。我同個朋友每人叫左一個主食，分別係鹽酥雞飯同埋酥炸排骨飯。我地係Share食的，咁樣先可以試多d唔同野呀嘛哈哈!個鹽酥雞食落炸粉唔算好厚，但又做到幾脆～重點未食已經聞到好香勁吸引同埋個雞咬落幾嫩滑，而且調味粉份量適中，唔會過咸。至於個酥炸排骨，估佢唔到又炸得幾乾身，但肉身都一樣係咁嫩滑同埋食落係juicy既，淋身得黎都食得出冇落鬆肉粉。幾好！野飲我地一人叫左杯特飲，分別係招牌水果茶同埋白桃桂花烏龍茶。想特別讚一讚個白桃烏龍，飲落好清新，但又唔缺白桃甜甜地既味。總括呢間ｄ份量都唔少，同埋幾抵食，每人一百鬆ｄ仲有埋野飲，冇咩好彈啦！