影片
更多
2022-06-02
287 瀏覽
2022年5月25日 星期三今日諗住喺柴灣食lunch嘅時候，發現興華商場地下開咗呢一間新餐廳睇舖頭名同裝修好容易聯想到係食四川菜嘅，燈光夠光猛，堂食位置唔算太多，主要係做外賣生意餐牌裏面見到有好多四川菜選擇，辣度亦可以分唔同級數或者唔辣，適合全部口味嘅人士，而且價錢唔算太貴，夠大眾化因為諗住兩個人食，所以就叫咗兩個主菜加幾個小食，加埋大約$200左右，等15分鐘左右就有齊食物可以拎走等待食物嘅期間仲見到餐廳有售賣唔同嘅醬料同小食，用咗玻璃樽密封包裝，價錢都幾抵，於是就買咗一樽菜脯返去試吓返到公司打開食物，發現份量都唔少，就好似呢一個雞絲粉皮，除咗有雞絲同粉皮之外，仲有花生、菜脯丁同青豆等等，雖然叫咗BB辣，但係麻味都仍然存在，愈食愈惹味，用嚟送飯一流呢一個就係鹽焗雞絲，上面加上芝麻，醃得好入味，而且肉質幾嫩滑，脂肪唔算好多再嚟有芥末蜜糖炸雞翼，雞翼炸完之後再沾上蜜糖芥末醬，食落去好惹味，食完又唔會太口渴，炸粉唔算太厚主食方面有豬扒薯粉配紫菜湯，成塊豬扒真係啖啖肉，肥膏唔多，炸得幾香口，而薯粉好煙韌，份量都唔少，仲每一啖都食到紫菜添至於另一個主食就係雙拼雲吞套餐，雲吞有兩款味道，分別係
今日諗住喺柴灣食lunch嘅時候，發現興華商場地下開咗呢一間新餐廳
睇舖頭名同裝修好容易聯想到係食四川菜嘅，燈光夠光猛，堂食位置唔算太多，主要係做外賣生意
餐牌裏面見到有好多四川菜選擇，辣度亦可以分唔同級數或者唔辣，適合全部口味嘅人士，而且價錢唔算太貴，夠大眾化
因為諗住兩個人食，所以就叫咗兩個主菜加幾個小食，加埋大約$200左右，等15分鐘左右就有齊食物可以拎走
等待食物嘅期間仲見到餐廳有售賣唔同嘅醬料同小食，用咗玻璃樽密封包裝，價錢都幾抵，於是就買咗一樽菜脯返去試吓
返到公司打開食物，發現份量都唔少，就好似呢一個雞絲粉皮，除咗有雞絲同粉皮之外，仲有花生、菜脯丁同青豆等等，雖然叫咗BB辣，但係麻味都仍然存在，愈食愈惹味，用嚟送飯一流
呢一個就係鹽焗雞絲，上面加上芝麻，醃得好入味，而且肉質幾嫩滑，脂肪唔算好多
再嚟有芥末蜜糖炸雞翼，雞翼炸完之後再沾上蜜糖芥末醬，食落去好惹味，食完又唔會太口渴，炸粉唔算太厚
主食方面有豬扒薯粉配紫菜湯，成塊豬扒真係啖啖肉，肥膏唔多，炸得幾香口，而薯粉好煙韌，份量都唔少，仲每一啖都食到紫菜添
至於另一個主食就係雙拼雲吞套餐，雲吞有兩款味道，分別係鮮蝦同小棠菜，一共有20粒，配埋蕃茄湯，真係好大份，因為每粒雲吞都唔細，落足餡料，真正做到皮薄餡靚，難怪係餐廳主打，真係好食到停唔到口
最後買返嚟嘅香辣菜脯丁事後都有打開黎試，辣度好足夠，用嚟送飯或者同雞蛋一齊炒效果都唔錯，估唔到細細罐，但裡面原來放左好多菜脯，性價比幾高
張貼
