不二江湖菜

營業中

休息中

今日行過呢條食街，見到呢間食四川野嘅，睇睇餐牌唔算太貴，所以入去試吓。口水雞呢款涼菜都幾大碟，叫咗小辣唔算太辣，雞肉都好嫩滑，d口水汁都幾惹味。乾鍋肥腸d肥腸洗得好乾淨，一d肥膏都冇，所以食多咗都唔會好邪惡，肥腸炸到有少少脆嘅口感，連埋d配菜一齊食，勁好味。不二酸菜魚上枱果時勁大盤，份量好多，都幾抵，入面有大量魚片，魚片食落好嫩滑，完全冇骨，個酸湯都幾鮮味，唔會太酸，入面仲有好多配菜，如萵筍，粗薯粉，酸菜，吸晒d味道，勁正。鴨屎香檸檬茶咸檸樂酸甜味道適中，酸酸甜甜好開胃，夠晒解渴而咸檸樂，都好解辣，食辣野一定唔少得有汽飲品。