東京築地拉麵 (已結業)

東京築地拉麵位於雅蘭中心地庫，門口設於山東街。 餐廳做足防疫措施，入門口要先量體溫，亦提供洗手液，座位與座位之間亦裝有隔板，食客都可以食得放心。今晚一行2人叫左2個主食、1個小食同2杯特飲😆 味自慢煮叉燒拉麵🍜，有2大件慢煮角切叉燒，肥瘦適中相當入味，慢煮後應該仲有輕輕燒過，表面有少少輕焦加添香氣，幼身拉麵軟度正合我口味，掛湯力強👍🏻爐端厚燒鰻魚丼 🥇哩個鰻魚丼有成半條厚切鰻魚，食完真心勁滿足呀！而且鰻魚已經起左骨，唔會每一口都會要挑骨，爐燒鰻魚火喉十足，啖啖肉好滋味😋日式煎餃子 🥟一客5隻，皮薄煎得香脆，作為小食前菜就非常好👍🏻兩杯特飲甜度適中，梅子酸酸甜甜好開胃，可以一試。