影片
更多
2018-05-13
219 瀏覽
又係星期日Family day， 好耐無食過泰國野既我地就黎到海防道既泰斗。其實係爸爸之前行過見到，但一直想等齊人先食既。我一直都唔知原來樓上有間咁靚既餐廳！一上到四樓就見到左邊係好大個露台咁既Bar Area，不過唔知係咪因為今日有啲雨所以出面無開到枱。 我地叫左個四人餐總共有九道菜加四杯飲品，加埋一都唔洗千二蚊都幾抵！沙律我地叫左軟殻蟹柚子沙律，有一隻有膏既軟殻蟹加勁多大大粒既柚子肉，啖啖都酸酸甜甜勁開胃。加埋腰果又多左重口感！如果軟殻蟹份量可以多啲就好啦，因為太好食啦得兩件要爭啊！之後就係小食拼盤，有四款小食春卷、單骨雞翼、蝦餅同最有驚喜既魚餅。最有驚喜係因為佢口感同蝦餅完全唔同，係淋身既但係好香好香！唔點食魚既我覺得非常好食！湯就簡左大頭蝦冬蔭公湯，一大鍋上，黎到Table side再分四碗既。係蝦開左邊好易食，佢個頭仲有蝦膏嫁！蝦肉仲好彈牙唔會話煲到爛晒咁，火喉岩岩好！湯好濃好香香料味，如果啲香料可以隔一隔先就好啦，因為媽咪唔係好慣每啖都食到啲香料碎，哈哈！ 咖喱簡左青咖喱豬，因為青咖喱無咁辣媽咪一定食到。佢好香椰子味，食得辣既我就覺得係完全唔辣既。配既蒜蓉包熱辣辣脆卜卜，用
我地叫左個四人餐總共有九道菜加四杯飲品，加埋一都唔洗千二蚊都幾抵！沙律我地叫左軟殻蟹柚子沙律，有一隻有膏既軟殻蟹加勁多大大粒既柚子肉，啖啖都酸酸甜甜勁開胃。加埋腰果又多左重口感！如果軟殻蟹份量可以多啲就好啦，因為太好食啦得兩件要爭啊！
炸軟殼蟹柚子沙律
21 瀏覽
0 讚好
0 留言
之後就係小食拼盤，有四款小食春卷、單骨雞翼、蝦餅同最有驚喜既魚餅。最有驚喜係因為佢口感同蝦餅完全唔同，係淋身既但係好香好香！唔點食魚既我覺得非常好食！
小食拼盤
19 瀏覽
0 讚好
0 留言
湯就簡左大頭蝦冬蔭公湯，一大鍋上，黎到Table side再分四碗既。係蝦開左邊好易食，佢個頭仲有蝦膏嫁！蝦肉仲好彈牙唔會話煲到爛晒咁，火喉岩岩好！湯好濃好香香料味，如果啲香料可以隔一隔先就好啦，因為媽咪唔係好慣每啖都食到啲香料碎，哈哈！
大頭蝦冬蔭公
33 瀏覽
0 讚好
0 留言
咖喱簡左青咖喱豬，因為青咖喱無咁辣媽咪一定食到。佢好香椰子味，食得辣既我就覺得係完全唔辣既。配既蒜蓉包熱辣辣脆卜卜，用黎點咖喱汁正啊！
青咖啡豬
16 瀏覽
0 讚好
0 留言
蒜蓉包
20 瀏覽
0 讚好
0 留言
鹽燒鮮魚，媽咪話係烏頭，唔點食魚既我就真係唔知佢咩品種啦，哈哈！佢個肚夾左好多薑同香茅，我就試試啦⋯⋯啊佢又唔腥啵啲肉仲幾滑添。
鹽燒鮮魚
18 瀏覽
0 讚好
0 留言
當我開始飽既時候，飛天通菜同金邊粉就黎啦。因為食開重口味，飛天通菜對我黎講就比較淡口，但爸爸話岩岩好，每個人口味唔同啦。金邊粉係我去泰國玩既時候每日都會食既！佢呢到絕對有泰國水準！酸酸咁勁好食！
飛天通菜
29 瀏覽
0 讚好
0 留言
金邊粉
19 瀏覽
0 讚好
0 留言
甜品係椰汁糕，雖然飽，但甜品係另一個胃嫁嘛，呵呵。佢既椰汁係鹹鹹地既好特別好好食，我仲搶多左半舊黎食添，減肥都係聽日先算啦。因為就到母親節所以餐廳仲送左個心型既芒果糯米飯，佢配既椰汁都係鹹鹹地嫁！我完全對佢既椰汁上左癮，真係好好食！！！大家都食飽飽好滿足啊！
椰汁糕 芒果糯米飯
22 瀏覽
0 讚好
0 留言
張貼
