新錦園大排檔

營業中

休息中

呢間大排檔在熟食中心差不多是獨市生意，大件夾抵食，所以未夠七點已經差唔多坐滿，真係好誇張！係唔係真係咁好食呢？今次去有點失望...白飯魚煎蛋($38) - 好大碟，煎得幾香口，白飯魚都好大條但唔算多，仲好油膩。椒鹽鮮魷($50) - 都係勁大碟，色水好似炸得唔夠透同乾身，食落唔算好脆...麻麻地...唔算好食。金銀蛋莧菜($32) - 超大「盆」，皮蛋比鹹蛋多，加了冬菜十分香。莧菜多到好似食極都有...食大排檔其實係食風味，呢度風味係有，不過水準時好時壞。環境方面，有冷氣唔駛熱住食，雖然地方唔係好乾淨因為價錢平又大碟，間唔中食吓都幾好。