新記越式牛肉粉 (已搬遷) 新店位置

啱啱同太太去五日四夜越南旅行，非常懷念佢嘅牛肉河粉，今日去開長沙灣做嘢，梗係想OpenRice睇吓附近有冇越南河粉，果然冇令我失望，望咗一陣間，叫咗一個火車頭河粉，講份量來說，都幾大碗，但價錢50幾蚊，加$6再送你飲品，以長沙灣來講都算係唔平，速度真係好快，大約5分鐘已經有得食，河粉非常滑溜，牛肉都可以，豬肉丸正常，牛柏葉好爽口，但牛筋就好淡未，麻麻哋，加多$6要咗杯凍檸賓，湯頭比較濃郁，佢每一碗都會跟九層塔丶青檸檬同埋芽菜，芽菜好爽口，加少少青檸檬汁，令到個湯更加鮮味，鍾意食辣嘅我，還可以叫佢比指天椒，仲有越南特製辣椒醬，食完一碗已經非常飽，總括來講價錢唔算平，但味道及份量都可以！可以在encore