牛響度麵館 (Aeon Style)

營業中

休息中

係黃埔Aeon行街，行到攰就係food count 簡單食個lunch，又估唔到呢間麵館啲麵咁好食！真心推介呀！。🥢豬手豬頸肉熱拌刀削麵 $65超足料！豬手分碟上，豬頸肉煎得香脆！麵條入口有彈性又唔會黏牙，入邊仲有溏心蛋、青瓜絲、油蔥酥、蔥花同芫茜，配合得恰到好處，真心必食！。🥢嫩滑炸豬排豬骨湯米線 $52聽落去仲以為只係普通嘅豬排米線，不過食落先真係驚喜！炸豬排炸到金黃香脆，入口嫩滑多汁，同埋湯底係用豬骨煮出嚟嘅，鮮甜濃郁。加埋蔥花、冬菇、紅蘿蔔同生菜，令湯底更加豐富，食落爽口又飽肚！。🥢孜然雞翼 3隻 $24孜然雞翼有好香好香嘅孜然香氣，而且啖起黎肉質都好嫩滑多汁。。🥢濕煮嫩鮮味手撕雞 $38爽嫩手撕雞肉既雞肉加左少少辣，鮮嫩得嚟又唔會太爛。凍凍地咁食好開胃。。跟餐加購「御翠烏龍茶手工冷泡茶 $12」好清甜好順口嘅御翠烏龍茶，冇加糖又夠香醇。呢個手工冷泡茶又涼又解渴。