為推動全港減鹽減糖新飲食文化及新生活態度，環境及生態局、降低食物中鹽和糖委員會及食物環境衞生署食物安全中心推出了「少鹽少糖食店計劃」，參與食肆會提供少鹽少糖選項予顧客，部份更會提供特定減鹽減糖菜式。參與減鹽減糖食肆會獲發計劃標誌，以供張貼於店舖內，供顧客識別。詳情可在此瀏覽：https://www.eeb.gov.hk/food/cn/committees/crss/restaurants.html

hkgourmetparadise

等級4

333

今日打風，好多餐廳都唔開。見牛角有開，今日又竟然唔洗點排隊，就去食個牛角lunch set。🥩燒肉定食 $95牛角lunch set嘅燒肉定食真係幾抵。每個set可以揀兩款肉，我揀左肩脊肉同牛肋肉，揀左燒肉汁。朋友就揀左原味。每款肉有四片。配燒肉汁嘅牛肉上面有芝麻，增添香味。肩脊肉比牛肋肉明顯好食好多，燒到半熟之後咬落去肉汁多好多，油香亦豐富好多。牛肋肉都有啲肉味嘅。啲牛肉就算唔點汁都好食。下次如果再食，會想睇下可唔可以兩款肉都揀曬肩脊肉。每個set都配昆布湯、迷你沙律、飲品同埋任食白飯。我地每set都加左$21將白飯改左香蔥溫泉玉子飯，好食好多，強烈建議大家揀呢個飯。個香蔥溫泉玉子飯入面有溫泉蛋、紫菜同埋蔥。將所有野同啲飯撈埋一齊，蛋汁滿佈每粒飯，每啖飯都有紫菜同蛋汁，有曬鹹味同鮮味，齋食個飯都好好食。每碗飯都好大碗，食完一碗其實都飽。不過貪食嘅我食左兩碗。昆布湯淡淡地冇乜特別。迷你沙律酸酸地，可接受但唔係好啱我口味。飲品方面我揀左橙汁。佢附送杯茶都幾好飲。不過服務方面真係麻麻，我每次黎呢間分店都覺得啲員工好唔主動留意食客嘅需要，我見其他食客同我一樣，每次叫加飯或者埋單都要揮好耐好耐

今日打風，好多餐廳都唔開。見牛角有開，今日又竟然唔洗點排隊，就去食個牛角lunch set。

🥩燒肉定食 $95
牛角lunch set嘅燒肉定食真係幾抵。每個set可以揀兩款肉，我揀左肩脊肉同牛肋肉，揀左燒肉汁。朋友就揀左原味。

每款肉有四片。配燒肉汁嘅牛肉上面有芝麻，增添香味。

肩脊肉比牛肋肉明顯好食好多，燒到半熟之後咬落去肉汁多好多，油香亦豐富好多。牛肋肉都有啲肉味嘅。啲牛肉就算唔點汁都好食。下次如果再食，會想睇下可唔可以兩款肉都揀曬肩脊肉。

每個set都配昆布湯、迷你沙律、飲品同埋任食白飯。我地每set都加左$21將白飯改左香蔥溫泉玉子飯，好食好多，強烈建議大家揀呢個飯。

個香蔥溫泉玉子飯入面有溫泉蛋、紫菜同埋蔥。將所有野同啲飯撈埋一齊，蛋汁滿佈每粒飯，每啖飯都有紫菜同蛋汁，有曬鹹味同鮮味，齋食個飯都好好食。

每碗飯都好大碗，食完一碗其實都飽。不過貪食嘅我食左兩碗。

昆布湯淡淡地冇乜特別。

迷你沙律酸酸地，可接受但唔係好啱我口味。

飲品方面我揀左橙汁。佢附送杯茶都幾好飲。

不過服務方面真係麻麻，我每次黎呢間分店都覺得啲員工好唔主動留意食客嘅需要，我見其他食客同我一樣，每次叫加飯或者埋單都要揮好耐好耐手先會有員工留意到。唔知係牛角特色，定係淨係九龍塘分店係咁。

不過有樣幾好嘅係佢會比張「口罩紙」，跟住紙上面嘅instruction就可以摺到尾二嗰張圖嘅圖案，去放口罩。