巴蜀麻辣米線 (已結業)

後知後覺。我一向都有啲路痴，以為自己去過大角咀，但最近先發現自己原來三十幾年黎都無去過大角咀！原來呢區勁多好野食！今日就突登係呢區行下，順便食下野。去左呢間朋友推薦既米線，叫左個餐，麻辣中辣。我錯了！中辣食到我一頭汗，仲要食左勁耐。配菜同餸都好多好好味，非常抵食。店內環境屬街坊小店類，雖然細但都好企理，老闆都好友善。如果大家黎食，可以試下酸辣。我直覺覺得酸辣應該唔錯，另外要食炸醬，味道同份量都非常好。