炊豕店 (威靈頓街) (已結業)

平時這間餐廳喺 中午嘅時間非常之多人排隊, 喺今日夜晚剛好有位, 難得入到去, 就入去食發現原來個餐廳都幾特別, 外面同裏面個格局完全唔一樣, 裏面有懷舊角特色, 再加柔和燈光, 好relax, 佢嘅食物主要都係以豬扒為主, 除咗飯之外, 仲可以配到面我就配咗粗麵嘅撈麵, 再加咗厚切嘅午餐肉, 非常之大碗, 豬扒同午餐肉已經鋪滿咗喺個碗上面, 先食午餐肉, 厚切嘅關係, 非常之邪惡, 煎得非常之香, 另外撈麵q彈, 配鮮甜嘅醬汁,再加咗爆香咗嘅蒜, 非常之香口,最後豬扒, 炸到金黃色, 咬落去好脆身, 非常的juicy呢, 一餐只不過係80蚊, 係夜晚嚟講非常之抵食