影片
更多
2016-07-31
383 瀏覽
同屋企人食飯，知道天水圍呢個商場剛剛裝修好，有好多新嘅食肆進駐，我哋都來湊下熱鬧！今次選左一間連鎖餐廳，好耐好耐以前響九龍灣食過覺得唔錯，價錢又大眾化就嚟試吓。晚餐都有十幾款，每款都係大約80至＄150，食得豐富又唔肉痛。晚餐包埋餐湯蒜蓉包同飲品，餐湯揀咗羅宋湯，材料十足，味道真實，唔會好似茶餐廳果啲咁過甜。蒜蓉包亦香脆。跟餐加$24可以玩鵝肝多士一塊，不過個人覺得味道一般，唔夠香，煎得過火有點燶。加$20有紅蝦一隻。肉質彈牙而且好厚肉！Dinner set 叫咗葡式烤豬配沙律！份量有四份一隻豬咁多，皮脆肉厚，肉質亦嫩，加上醬汁一齊燒，夠入味。重點係呢個餐只係＄148！扺！皮夠薄夠脆，肉質夠厚夠嫩！呢個係散叫嘅西西里海鮮意大利粉 ($98)，海鮮材料豐富，有大量嘅珍珠帶子、蝦、青口響入邊，意粉用上茄汁去炒，加上少少辣更加惹味開胃！呢個香煎鱸魚白汁菠菜煮蜆亦都係散叫，只係$118！鱸魚煎得皮香脆，肉夠嫩，白汁用奶油加白酒上湯製成，蜆勁甜又大！配上個醬汁十分好味！薯蓉焗田螺亦只係＄38！薯蓉焗得好香，有牛油味，而且食落creamy柔滑！田螺厚肉。而家佢哋仲推廣，登記成為會員每月有唔同嘅優惠
今次選左一間連鎖餐廳，好耐好耐以前響九龍灣食過覺得唔錯，價錢又大眾化就嚟試吓。
晚餐都有十幾款，每款都係大約80至＄150，食得豐富又唔肉痛。
晚餐包埋餐湯蒜蓉包同飲品，餐湯揀咗羅宋湯，材料十足，味道真實，唔會好似茶餐廳果啲咁過甜。蒜蓉包亦香脆。
跟餐加$24可以玩鵝肝多士一塊，不過個人覺得味道一般，唔夠香，煎得過火有點燶。加$20有紅蝦一隻。肉質彈牙而且好厚肉！
Dinner set 叫咗葡式烤豬配沙律！份量有四份一隻豬咁多，皮脆肉厚，肉質亦嫩，加上醬汁一齊燒，夠入味。重點係呢個餐只係＄148！扺！
皮夠薄夠脆，肉質夠厚夠嫩！
呢個係散叫嘅西西里海鮮意大利粉 ($98)，海鮮材料豐富，有大量嘅珍珠帶子、蝦、青口響入邊，意粉用上茄汁去炒，加上少少辣更加惹味開胃！
呢個香煎鱸魚白汁菠菜煮蜆亦都係散叫，只係$118！鱸魚煎得皮香脆，肉夠嫩，白汁用奶油加白酒上湯製成，蜆勁甜又大！配上個醬汁十分好味！
薯蓉焗田螺亦只係＄38！薯蓉焗得好香，有牛油味，而且食落creamy柔滑！田螺厚肉。
而家佢哋仲推廣，登記成為會員每月有唔同嘅優惠！其實我覺得本身間餐廳已經唔貴，味道ok，再做埋特價真係抵上抵！
相信呢度會成為我哋周末家庭飯局之選。
張貼
