大丸和風食堂 (已結業)

今日收工收遲左，又好肚餓，快快係附近搵野食先，係通菜街兩邊都有野食，見到呢間日本野好似坐得幾舒服，就呢度啦！穴子壽司，超大條鰻魚，一口係食唔晒架，鰻魚汁沾左落白飯，真係好好味！劍魚腩壽司，食落新鮮而且爽甜。油甘魚壽司，色澤紅潤，食落油脂感足。火炙黑松露帶子壽司，黑松露香，帶子鮮甜。左口魚邊壽司，日本人好喜歡左口魚，輕輕燒過，迫左油份岀黎，食落更滑口。蟹肉忌廉可樂餅，炸到熱辣辣上枱，外皮好脆，裡面個忌廉好滑。