常滿百家菜

營業中

休息中

朋友推介呢間抵食火鍋放題, 加埋點心任食都係$158蚊加一一位, 真係性價比甚高！樓上鋪地方幾大, 裝修酒樓格局！椰子燉雞湯鍋湯底入面有椰子和雞髀, 煲滾先飲一碗湯再打邊爐, 好香濃椰子味！火鍋配料有十多款, 肥牛、海蝦、手打丸類, 剔紙點單。自助大排檔酒樓設有大排檔, 自取啤酒汽水、各式丸類和蔬菜, 選擇都算幾多。除咗火鍋配料, 仲有好多熟食涼菜、薯條、串燒、當歸炆雞腳、豬皮豬紅、豬腳薑, 多不勝數！雞肉串燒好入味, 肉質嫩滑。炆雞腳有當歸尾, 炆得淋身黏口, 充滿骨膠原。晚飯時間就好少食點心, 所以最後就點咗幾個奶黃包和馬拉糕。奶黃包有流心。馬拉糕軟熟熱辣辣, 新鮮炮製！仲有紅豆沙、番薯糖水同我最鍾意嘅豆腐花, 食埋甜品, 就為呢一餐劃上完美句號。