影片
更多
2021-04-12
49 瀏覽
身邊總有幾個無辣不歡既朋友，成日都想食酸菜魚，自問唔太食得辣，幸好呢間有得揀唔辣既酸菜魚，呢日爽快地叫坐個招牌二人套餐，整體菜式同份量都不少，可以一試。招牌二人套餐 ($398/2位)每道菜可以選擇走辣/微辣/中辣/大辣，酸菜魚特意揀左唔辣口味，其餘菜式就揀微辣。前菜：《酸辣海蜇花、口水雞》海蜇花晶瑩剔透，但我更愛萵筍，微微沾上辣油，口感爽脆又涼快。嗜辣既朋友應該會既中意口水雞，麻香十足，後勁辣。主菜：《祥仔酸菜魚、宮保蝦仁、酸菜炒肉碎配薄餅、干鍋福建椰菜花》唔辣版本既祥仔酸菜魚一啲都唔差，怕辣既人可以放心食~用上鱸魚片，嫩滑多肉，而且無骨，配料有酸菜、蓮藕、芽菜，爽口開胃。另一酸菜炒肉碎配薄餅幾有特色，有啲似片皮鴨食法，微酸帶點辣。干鍋福建椰菜花炒得比較乾身，食落脆甜爽口，之後再有濃濃的麻辣味，送飯一流。宮保蝦仁就一般般，味道酸酸甜甜，不過質感偏腍唔夠爽口彈牙。甜品：《酒釀桂花湯圓》食完辣野再跟個甜品真係好舒服，中和左口腔既麻辣感。淡淡的酒香配上桂花的清香，湯圓口感軟糯。飲品：《緋紅蔓舞、熱情之谷》辣椒造型幾得意，隨意叫左2杯飲品解一解辣，前者酸甜夠曬Refreshing，後者有濃郁
招牌二人套餐 ($398/2位)
每道菜可以選擇走辣/微辣/中辣/大辣，酸菜魚特意揀左唔辣口味，其餘菜式就揀微辣。
前菜：《酸辣海蜇花、口水雞》
海蜇花晶瑩剔透，但我更愛萵筍，微微沾上辣油，口感爽脆又涼快。嗜辣既朋友應該會既中意口水雞，麻香十足，後勁辣。
主菜：《祥仔酸菜魚、宮保蝦仁、酸菜炒肉碎配薄餅、干鍋福建椰菜花》
唔辣版本既祥仔酸菜魚一啲都唔差，怕辣既人可以放心食~用上鱸魚片，嫩滑多肉，而且無骨，配料有酸菜、蓮藕、芽菜，爽口開胃。
另一酸菜炒肉碎配薄餅幾有特色，有啲似片皮鴨食法，微酸帶點辣。
干鍋福建椰菜花炒得比較乾身，食落脆甜爽口，之後再有濃濃的麻辣味，送飯一流。宮保蝦仁就一般般，味道酸酸甜甜，不過質感偏腍唔夠爽口彈牙。
甜品：《酒釀桂花湯圓》
食完辣野再跟個甜品真係好舒服，中和左口腔既麻辣感。淡淡的酒香配上桂花的清香，湯圓口感軟糯。
飲品：《緋紅蔓舞、熱情之谷》
辣椒造型幾得意，隨意叫左2杯飲品解一解辣，前者酸甜夠曬Refreshing，後者有濃郁熱情果味。
張貼
