花園餐廳 (東廣場) (已結業)

今日試咗一間懷舊餐廳，就係花園餐廳，5 :35 入座，趕得切食下午茶，今次終於可以試鐵板肉眼牛扒5成熟。香濃嘅羅宋湯，入面有西芹，蕃茄，洋蔥，有少少牛腩粒，夠香濃 。一個軟淋淋熱辣辣嘅牛油餐包，一杯香濃嘅熱檸茶，熱辣辣嘅鐵板上枱，侍應倒下蒜蓉汁，香噴噴 ，牛扒夠juicy，有一條小棠菜，另外一小碟 粗粗薯條。一碟只是焗海鮮意粉，最頂鋪少少香濃嘅芝士 ，有青口，蝦仔，八爪魚仔，蟹柳，白汁做底，大大碟，好抵食。配一杯香濃嘅凍朱古力。下午茶無需加一，侍應叔叔有禮貌。我哋坐卡位，餐廳乾淨冷氣足夠。