耆素銀杏館 (已搬遷) 新店位置

晚餐出去搵食又想食清啲，誤打誤撞搵到呢間。佢晚市有啲餐都幾貴，不過三餸飯又算幾抵，68蚊有三餸，而湯同飯係任食的。個湯絕對係大讚，清清地，仲勁多渣飲食。芋頭花菇幾正！小王瓜玉米炒蛋又好好送飯。蕃茄炒有機豆腐就係超級家常菜。過左幾日又番轉頭食左次午餐。人流唔太多，係上環午市好選擇。兩次既餐牌都叫有變化。今次仲有蕃茄天貝。平時屋企較為少煮到天貝。其他既蒸水蛋呀，西芹炒菇茹就係家常菜啦。總括而言係感覺幾健康既素食店。