影片
更多
2022-04-28
2071 瀏覽
地址－鍋心粥底火鍋 (德成街)佐敦德成街1-5號康源閣地下A-B舖終於總算捱完第五波，為慶祝仲未成為“新人類”，就趁有堂食晚市時即約朋友去食下飯，順便互相慶祝(一定係)，咁我就揀左呢間作為第一次堂食晚市的第一站。一坐低，就見到枱上已經有餐牌放左係度，一睇見到有幾個餐可以揀，分別係肉蟹+沙白蜆，龍蝦+沙白蜆同埋龍蝦+肉蟹+沙白蜆，揀完之後就有當日唔同的時令海鮮可以比我地揀，最後就有唔同的火鍋配料可供選擇，種類非常豐富，最重要係咁多野食，價錢都係$200至$250就有交易，就算要特別的食材，都係加幾十蚊就有，仲要免加一，真係好抵！好唔容易揀完食咩後，就有職員已經走黎介紹佢地個沙薑粒，話試左好多次，覺得佢同海鮮等好夾下，可以用黎蘸醬用，試過就覺得所言非虛，食物會多左一層味道，好特別，好快佢地就送上我地揀選的食物了。💋土耳其檸檬及蘋果汽水，聽侍應所講，呢2支飲品係佢地獨家代理，所以推介我地要試下，一飲之下，果然冇介紹錯，味道幾特別，同我地平時飲開的汽水有講唔出的分別，如果佢大支D就好啦，哈。💋龍蝦 / 肉蟹 + 沙白蜆，佢係枱上已經放左塊牌，提你每款食材的烚煮時間，呢個做法幾好，唔怕會擔心幾時
佐敦德成街1-5號康源閣地下A-B舖
終於總算捱完第五波，為慶祝仲未成為“新人類”，就趁有堂食晚市時即約朋友去食下飯，順便互相慶祝(一定係)，咁我就揀左呢間作為第一次堂食晚市的第一站。一坐低，就見到枱上已經有餐牌放左係度，一睇見到有幾個餐可以揀，分別係肉蟹+沙白蜆，龍蝦+沙白蜆同埋龍蝦+肉蟹+沙白蜆，揀完之後就有當日唔同的時令海鮮可以比我地揀，最後就有唔同的火鍋配料可供選擇，種類非常豐富，最重要係咁多野食，價錢都係$200至$250就有交易，就算要特別的食材，都係加幾十蚊就有，仲要免加一，真係好抵！好唔容易揀完食咩後，就有職員已經走黎介紹佢地個沙薑粒，話試左好多次，覺得佢同海鮮等好夾下，可以用黎蘸醬用，試過就覺得所言非虛，食物會多左一層味道，好特別，好快佢地就送上我地揀選的食物了。
💋土耳其檸檬及蘋果汽水，聽侍應所講，呢2支飲品係佢地獨家代理，所以推介我地要試下，一飲之下，果然冇介紹錯，味道幾特別，同我地平時飲開的汽水有講唔出的分別，如果佢大支D就好啦，哈。
💋龍蝦 / 肉蟹 + 沙白蜆，佢係枱上已經放左塊牌，提你每款食材的烚煮時間，呢個做法幾好，唔怕會擔心幾時至撈得上黎，會唔會過老的問題，首先講下龍蝦，龍蝦雖然2個人都比半隻，但都算大隻，食落肉質彈牙，都有少量膏，食落鮮甜，肉蟹方面肉厚蟹味濃，雖然冇膏，但味道都係鮮甜，沙白蜆D肉大大粒，食落冇砂，好爽。
💋蝦，花甲，蟶子，帶子，多寶魚，估唔到佢嘅蝦係大頭蝦，好有驚喜，我地初初以為係普通海蝦，D蝦到臨淥之前都仲保持生猛，店員仲好細心咁提示要用夾放下一陣才好放手，蝦肉彈牙，大部份都呈現紅色的實膏，正，花甲就雖然唔太大隻，但肉身都算大粒，冇砂，蟶子食落鮮甜彈牙，仲幾大條下，帶子方面雖然同我地想像的有所唔同，但都幾大粒，肉質彈牙鮮甜，最後，多寶魚佢比左足足半條，細心地切好晒一件件比我地，方便食用，呢條多寶魚肉身好厚身，D骨唔算多，而且都係大大條，唔怕啃親。
💋自家製手打雞骨丸及馬蹄雞滑，當享受完一場海鮮饗宴後，店員就即刻送上唔同的火鍋料，首先講下佢兩款自家製手打丸，2款都係雞肉打成，而其中一款加入雞軟骨落去，咬落彈牙之餘，附上雞軟骨的特別口感及聲音，一次過滿足聽覺及味覺的享受，正，而馬蹄方面就帶來截然不同的清新口感，食落解膩不少，而且佢地有個共通點，就係雞肉肉汁豐沛，唔會好似食柴一樣(利申：未食過柴)。
💋肥牛，油炸鬼，小籠包，韮菜餃及農場雞件，之後就食比較常見的火鍋料，肥牛雖然睇落偏瘦，但食落牛味依然足夠，值得一讚，小籠包我就覺得新奇，比較少見到佢係火鍋店中出現，食時都要小心，一咬就咇左D湯汁出黎，好正，韮菜餃中的韮菜味香濃，而農場雞件真心食落都幾有雞味，雖然有D係胸，但都唔算太柴，幾好。
💋海鮮味南瓜粥，食完火鍋料後都已經飽左一半，但店員呢個時間就主動走黎為我地添加粥膽，又準備左D菜甫等食材一齊煮，將一開始的南瓜同芋頭粒整碎後攪拌而成，最後我地自己另外加入人見人愛的芫茜一齊食，味道一流，加上火鍋料中預先留下的油炸鬼，口感層次豐富，雖然明知呢煲粥勁邪惡，但都食得晒，我見有客直情問侍應拎個盒裝返屋企食。
最後想講呢度D職員主動有禮，每次上菜都會解釋上左咩食材，會講解有咩特色，服務態度一流，值得一讚！
張貼
