勝手

營業中

休息中

登龍街嘅勝手係間新開嘅日本餐廳，主打串燒、定食、爐端燒、shabu shabu等等，其實真係乜都有！我今次就食左串燒同定食，價錢喺呢區黎講相當親民！絕對係平民好食之選。環境好闊落好乾淨，坐得非常舒適，店員上菜快同好nice!豚肉生薑燒定食：豚肉份量都幾多，醬汁入味得黎唔會太鹹，配上珍珠米，口感好好。定食set有埋湯、前菜同沙律，真心幾抵架。汁燒雞腿肉：一上枱已經聞到極香，咬落雞肉好juicy同嫩滑，面頭嘅調味恰到好處，令人食唔停口。日式餃子：煎得好香噴噴而且係微脆架個餃子皮，啲餡好飽滿兼且爆汁，幾推介！！