札幌拉麵 Miso No.1 x 辛味屋 (已結業)

今日在家中休息，到晚飯時間去樓下商場找野食，在將軍澳站天晉後面有間「札幌拉麵Miso no.1 x 辛味屋」，見價錢好抵食，就入去食返餐試試，店內環境裝修都很美觀，牆上掛上很多美食的大特寫，冷氣都很足夠涼快，店員招呼周到 ，馬上送上玄米茶，坐咗一陣睇餐牌，原來呢間日式拉麵店唔單止有拉麵，還有咖哩飯，燒鍋和便當各種套餐。最後決定點了吉列豬扒咖喱飯，有麵豉湯和沙律跟餐送，另外牛肉壽喜燒鍋定食，有飯和雞蛋。飲品就叫佢咗兩杯500ml既Asahi super dry，超凍超好飲。吉列豬扒香脆肉厚彈牙，咖哩都幾好食。牛肉鍋D肥牛好新鮮，鍋底既湯有很濃的牛肉味，連湯都飲曬，埋單都是2百幾。