吉祥日本料理 (已結業)

自己一個人做完野食少少野，天氣熱就揀左食日本野！坐低就見到個串燒套餐，$98就可以揀啤酒一支或者無酒精飲品一杯，仲包括三款串燒，分別係雞翼、雞軟骨同青椒仔，串燒即叫即燒，熱辣辣好正，配上冰凍啤酒好爽呀！然後就叫個蟹籽沙律同埋壽司！好鍾意牛油果小卷，包住滿滿既牛油果好香！壽司叫左海膽、三文魚腩、大拖羅同芥辣八爪魚軍艦！海膽新鮮味甜，份量都幾多，大拖羅入口即化好滿足，三文魚腩夠肥美，整體壽司質素都幾高！