雲壽司 (已結業)

之前喺中環食過呢間雲壽司，印象中幾抵食，今次去開太子，見到原來太子都有呢間雲壽司，就入咗嚟食。刺身拼盤$198呢款刺身拼盤有油甘魚、甜蝦、帆立貝、三文魚、池魚，總共五款刺身。每款刺身各有兩件，兩個人share就啱啱好。啲刺身都食得出好新鮮，件件厚切，都幾抵食。我最鍾意就係鮮甜嘅帆立貝，因為有塊檸檬片放係底，所以帆立貝會沾到少少檸檬嘅香氣，食落格外清新。蔥吞拿魚腩丼$158呢碗飯望落細細碗，但其實份量好多，醋飯粒粒分明，味道調得啱啱好。上面嘅吞拿魚茸有好多，配埋香蔥，撈落碗飯到一齊食好好味，入口幼滑，充滿鮮味得黎又唔腥。