影片
更多
2017-05-14
728 瀏覽
幫襯靠得住通常都係夜晚時間, 點個精選套餐, 粥麵配小食係最常揀嘅配搭. 咁啱今次晨早10點多就嚟到新都城, 先發現到靠得住嘅早餐係咁抵食😍😍點咗兩份粥配小食 - 混醬腸粉、銀芽炒麵 🙂 之前點精選套餐已經食過腸粉滑滑溜, 混集甜辣花生三醬再加白芝麻, 係合格嘅一碟腸粉.至於炒麵就第一次試, 呢碟港式炒麵又幾有驚喜, 炒得夠乾爽, 唔會覺得成口油 👍🏻早餐粥有6款選擇, 我就揀咗魚片碎牛粥, 碎牛都幾多. 粥配一碟小食都唔駛$30, 都真係幾抵食!!覺得唔夠喉, 兩條友每人食一碗粥加一碟小食都仲要加條咸肉粽 😆無計, 呢間嘅粽真係幾好食! 拆開睇睇呢隻粽入面有啲咩先~ 主要係蛋黃、咸肉同綠豆蓉, 綠豆蓉同蛋黃香係我鍾意食靠得住呢隻鎮店之粽嘅原因, 至於咸肉係用上瘦肉唔太油, 又好啱我口味😋
點咗兩份粥配小食 - 混醬腸粉、銀芽炒麵 🙂 之前點精選套餐已經食過腸粉滑滑溜, 混集甜辣花生三醬再加白芝麻, 係合格嘅一碟腸粉.
至於炒麵就第一次試, 呢碟港式炒麵又幾有驚喜, 炒得夠乾爽, 唔會覺得成口油 👍🏻
早餐粥有6款選擇, 我就揀咗魚片碎牛粥, 碎牛都幾多. 粥配一碟小食都唔駛$30, 都真係幾抵食!!
覺得唔夠喉, 兩條友每人食一碗粥加一碟小食都仲要加條咸肉粽 😆無計, 呢間嘅粽真係幾好食!
拆開睇睇呢隻粽入面有啲咩先~ 主要係蛋黃、咸肉同綠豆蓉, 綠豆蓉同蛋黃香係我鍾意食靠得住呢隻鎮店之粽嘅原因, 至於咸肉係用上瘦肉唔太油, 又好啱我口味😋
張貼
