影片
更多
2023-03-13
639 瀏覽
行街街到咁上下，又係時候開餐。剛巧行過呢間餐廳，見到門口懷舊，所以吸引左我入去。餐廳全院滿座，裝修懷舊，呢度係食星馬菜。打開QR餐牌睇吓，價錢又幾抵喎，一個主食另加10蚊就有嘢飲，最後老公就點左個煲仔、土炮小炒、小食同埋兩杯飲品。煲仔藥膳牛肋肉：牛肋肉燉到好淋好入味，另外有豆卜、冬菇同支竹等配菜，湯底都幾好飲，飲得出有杞子、紅棗同淮山等藥膳料，甜甜地，配埋白飯做湯飯幾好。馬沙拉帶子海鮮炒飯：炒飯用左珍珠米，圓碌碌，炒到粒粒分明，唔多油，鹹鹹地幾夠味，入口每啖都食到有細細粒帶子、河蝦、魷魚等海鮮配料，另外仲有三色椒，全部都爽口，我就覺得唔錯。去骨星馬雞：老公就最鐘意無骨雞，差不多有半隻雞，有雞肶同雞胸，食落夠滑，另外仲有D菜。連旁邊點雞醬都好好，有一個係辣辣地，點埋仲好食。桔仔話梅水(左)：夠冰凍，味道鹹鹹甜甜，係我鐘意嘅味道，好飲。馬來西亞黑糖薑茶(右)：老公叫左少冰少甜，佢話味道正常，都OK。
餐廳全院滿座，裝修懷舊，呢度係食星馬菜。打開QR餐牌睇吓，價錢又幾抵喎，一個主食另加10蚊就有嘢飲，最後老公就點左個煲仔、土炮小炒、小食同埋兩杯飲品。
煲仔藥膳牛肋肉：牛肋肉燉到好淋好入味，另外有豆卜、冬菇同支竹等配菜，湯底都幾好飲，飲得出有杞子、紅棗同淮山等藥膳料，甜甜地，配埋白飯做湯飯幾好。
馬沙拉帶子海鮮炒飯：炒飯用左珍珠米，圓碌碌，炒到粒粒分明，唔多油，鹹鹹地幾夠味，入口每啖都食到有細細粒帶子、河蝦、魷魚等海鮮配料，另外仲有三色椒，全部都爽口，我就覺得唔錯。
去骨星馬雞：老公就最鐘意無骨雞，差不多有半隻雞，有雞肶同雞胸，食落夠滑，另外仲有D菜。連旁邊點雞醬都好好，有一個係辣辣地，點埋仲好食。
桔仔話梅水(左)：夠冰凍，味道鹹鹹甜甜，係我鐘意嘅味道，好飲。馬來西亞黑糖薑茶(右)：老公叫左少冰少甜，佢話味道正常，都OK。
張貼
