影片
更多
2024-12-17
86 瀏覽
原來新裕民坊商場地下有間水門雞飯，星期六五點前都有下午茶餐，於是買外賣返屋企食。下午茶居然只係$38, 包水門雞飯/ 船河+小食，可以㨂春卷/雞翼/牛舌, 份量唔細，船河有好多塊牛肉同四粒牛丸，非常抵食。加+$5就有啲泰式特飲，+$10仲有牛舌/ 芥䔵。另外仲嗌咗雙拼水門雞飯，炸雞香口唔油膩，水門雞無骨嫩滑雞味濃，點上泰式醬汁，好惹味。我覺得呢間嘅油飯比其他餐廳嘅香，同水門雞好夾。香葉辣肉碎煎蛋飯係屋企人至愛，呢個飯睇落簡單但因為要加泰式香料九層塔, 所以係屋企都唔易copy到隻味, 仲有隻燶邊蛋，超級送飯。串燒有得㨂豬同雞雙拼，烤得啱啱好，唔會乾，點上沙嗲醬，好食餐廳人手好夠，外賣包裝得好整齊，拎返屋企都無漏。呢個價錢真係太抵，會再encore.
下午茶居然只係$38, 包水門雞飯/ 船河+小食，可以㨂春卷/雞翼/牛舌, 份量唔細，船河有好多塊牛肉同四粒牛丸，非常抵食。加+$5就有啲泰式特飲，+$10仲有牛舌/ 芥䔵。
另外仲嗌咗雙拼水門雞飯，炸雞香口唔油膩，水門雞無骨嫩滑雞味濃，點上泰式醬汁，好惹味。我覺得呢間嘅油飯比其他餐廳嘅香，同水門雞好夾。
香葉辣肉碎煎蛋飯係屋企人至愛，呢個飯睇落簡單但因為要加泰式香料九層塔, 所以係屋企都唔易copy到隻味, 仲有隻燶邊蛋，超級送飯。
串燒有得㨂豬同雞雙拼，烤得啱啱好，唔會乾，點上沙嗲醬，好食
餐廳人手好夠，外賣包裝得好整齊，拎返屋企都無漏。呢個價錢真係太抵，會再encore.
張貼
