Thai Fuhn

營業中

休息中

餐廳位於逸東酒店地庫food hall, 主打泰國菜同越南菜，晚市套餐都有泰式同粵式兩種可以選擇，仲送特色飲品。🍤柚子鮮蝦沙律🥗份量好多，鮮蝦爽口彈牙，肉質結實新鮮，配上大量新鮮蔬菜，加上酸酸甜甜嘅柚子同檬汁，少少辣十分開胃亦好refreshing。泰式酸辣鳳爪🥗無骨鳳爪肉爽口，配埋木瓜絲同洋蔥等等蔬菜，酸酸甜甜又開胃，有傳統泰式風味。香茅豬扒撈檬分量好充足，香茅豬扒炸得好香脆，加上好香嘅炸蒜🧄更惹味，檬粉加上檬汁酸酸甜甜，可平衡豬扒嘅油膩感。冬陰功海鮮湯粉好大碗好足料，材料豐富，有蝦仁🍤、青口、魷魚🦑和蟹柳，蝦仁同魷魚爽口彈牙，青口鮮味；湯底十分正宗，酸酸辣辣嘅冬陰功湯底好開胃，辣得好惹味；湯粉滑溜爽口。龍眼冰🧊龍眼蜜清甜，炎炎夏日透心涼。凍蝶豆花檸蜜💜🍋平平無奇嘅凍檸蜜加上浪漫嘅紫色蝶豆花形成漸層效果，酸酸甜甜好開胃。整體來講，食物質素不錯，分量充足，性價比高。