阿來泰式地道風味

營業中

休息中

餐廳位於旺角，主打多款性價比高嘅泰國料理，肉類海鮮粉麵飯甜點都飲品都有供應，唔想煩嘅仲有套餐可以揀。餐廳分上下兩層，店員服務態度有禮，上菜速度快且熱辣辣，經過可以一試。二人套餐包括海南雞、咖喱炒蜆、通菜、白飯/油飯同飲品。海南雞肉質嫩滑，皮帶啫喱狀，咬落好滋味。超級喜歡呢度嘅咖喱，惹味唔辣，點蒜茸包真係好正，蜆肉大粒飽滿，讚。菜品可以自行選擇炒嘅方法，個人更推介馬來盞，通菜同椰菜苗都夠新鮮而且完全無渣。主食有菠蘿炒飯同金邊粉，前者炒至粒粒分明，味道偏清淡帶淡淡香氣，後者配料唔少，口感豐富。