阿來泰式地道風味

營業中

休息中

平日搵地方lunch，見前面得兩team人排緊隊就排下，等左10分鐘都無就入得。泰式SUKI炒粉絲$68- 份量好足夠，粉絲好入味。佢有得揀豬牛雞。青咖喱豬$77-呢個勁好食，強烈推介必食！一啲都唔辣，勁香泰式咖喱味，啲豬舊舊都勁大嚿，又唔嚡。另外再叫咗薄餅配，一流。豬頸肉炒通菜$78-又想食豬頸肉，又想食通菜。叫太多又怕食唔晒，叫呢個就啱啱。好通菜好有鑊氣。薄餅（4件）$38 - 叫咖喱一定要叫薄餅！泰式奶茶$25 - 小小偏甜，同泰國嘅味道一樣。西米糕$58 - 佢有六粒，明明食到好飽諗住食唔晒拎走，但係因為太好食都係忍唔住。總結：佢性價比好高，每一樣嘢都係幾十蚊，叫多幾款都唔肉赤。味道拍得住九龍城，地點又方便。下次再嚟。