影片
更多
2017-10-05
256 瀏覽
喺香港要搵到主打「任食」、「放題」嘅食肆一啲都唔難，但要搵到任食、抵食又好食嘅就唔容易。有時都鍾意同屋企人去打邊爐，貪佢夠多款，菜肉選擇各適其適，滿足到「食肉獸」同埋鍾意食素嘅朋友。 今次屋企人出去覓食，搵到一間任飲任食火鍋嘅酒樓，見到門口廣告寫著送刺身拼盤、安格斯A4牛肉一碟、環球海鮮拼盤據(6-8款)、無酒精飲品任飲、精美雪糕，驟眼睇好似都好豐富咁。入到去已經見到大大個雪櫃擺咗好多飲品，有好多新潮嘅韓國Lotte飲品，如果要傳統啲嘅楊協成又有，啱晒唔同年齡層 火鍋湯底有成8款揀，以任食火鍋黎講，可以揀嘅款式都真係算多，見到有啲都幾特別，好似日式三文魚頭窩、番茄濃湯豬骨窩，不過我哋都係鍾意傳統鴛鴦鍋。始終係任食免費送鍋底，所以沙爹味都唔係好濃，溝得多水，如果濃番一啲就好啦。 湯底上咗之後，好快就送上海鮮拼盤。數數海鮮數量，真係有成8款，有大隻蟶子、貴妃蚌、花甲等等，最驚喜係連鮑魚都有，海鮮望落去都好新鮮。輕輕灼下就熟，食落無一樣嘢係有沙，貝殼類嘅都好鮮甜，肉身好彈牙，一個字「正」! 鮑魚嘅內臟都已經清理埋，所以食落都好方便。除咗蜆殼，仲每人有一舊魚塊，喺大魚切出黎，超級厚肉，但係都唔
今次屋企人出去覓食，搵到一間任飲任食火鍋嘅酒樓，見到門口廣告寫著送刺身拼盤、安格斯A4牛肉一碟、環球海鮮拼盤據(6-8款)、無酒精飲品任飲、精美雪糕，驟眼睇好似都好豐富咁。入到去已經見到大大個雪櫃擺咗好多飲品，有好多新潮嘅韓國Lotte飲品，如果要傳統啲嘅楊協成又有，啱晒唔同年齡層
火鍋湯底有成8款揀，以任食火鍋黎講，可以揀嘅款式都真係算多，見到有啲都幾特別，好似日式三文魚頭窩、番茄濃湯豬骨窩，不過我哋都係鍾意傳統鴛鴦鍋。始終係任食免費送鍋底，所以沙爹味都唔係好濃，溝得多水，如果濃番一啲就好啦。
湯底上咗之後，好快就送上海鮮拼盤。數數海鮮數量，真係有成8款，有大隻蟶子、貴妃蚌、花甲等等，最驚喜係連鮑魚都有，海鮮望落去都好新鮮。輕輕灼下就熟，食落無一樣嘢係有沙，貝殼類嘅都好鮮甜，肉身好彈牙，一個字「正」! 鮑魚嘅內臟都已經清理埋，所以食落都好方便。除咗蜆殼，仲每人有一舊魚塊，喺大魚切出黎，超級厚肉，但係都唔鞋口，有魚嘅鮮味。依盤海鮮喺街市執番一樣嘅料，一啲都唔平。
食火鍋送刺身，刺身又係用個大冰盤送上黎，擺盤好有心思，用蘿蔔雕個塔出黎，加埋木枝擺設，都幾吸睛。刺身大件，三文魚、吞拿魚厚切，三文魚脂肪幾肥美，象拔蚌爽口好鮮甜，蝦刺身唔算好甜但係肉質OK，計落成7款刺身，整體都算唔錯，用佢黎做開胃菜都幾好。
火鍋配料我哋叫咗海蝦，見到已經覺得好吸引，蝦身夠長，灼完即食好新鮮，蝦味十足，肉又夠爽口，之後都再encore多次，食多幾輪海蝦都回到吓本。
上埋個送嘅安格斯牛肉，齋睇份量都嚇親，二人份量送上一大盤。牛肉厚度都有成2-3MM，唔會好似普通肥牛咁薄，比較有咬口，牛肉味都幾濃，不過帶少許膻味。
叫埋火鍋必食嘅炸魚皮同埋響鈴，睇得出兩款都係自製，魚皮唔係會好似比時包裝好嗰D咁鹹，味道清一啲，仲好脆身，送上黎仲暖，令我好奇係咪即叫即炸。響鈴唔似平時見到嗰啲卷得咁靚，鬆身少少，應該係自己將腐皮卷起再炸，唔係好脆，灼之後過有少少韌。
食左咁多肉最後食埋啲菜就夠皮，菜類放晒喺張大枱俾你自己揀，基本款式都有，特別推介芋頭，輕輕炸過，裡面好稔身，鍾意食粉粉哋質感嘅就啱晒。
最後梗係揀多個雪糕做甜品，雀巢雪糕五種口味任揀，免費嘅都有雪糕任食都算係咁。
雖然$198加一感覺定價高左啲，但係食到咁多款唔同食物，仲要有火鍋少見嘅海鮮，都算抵食。坐嘅環境又夠舒服，枱同枱之間唔會好迫，任食2.5小時都係唔錯嘅選擇。
張貼
