金港海鮮酒家 (已結業)

前幾日約咗幾個friend去打邊爐，坐低連茶同滾水都無，要叫waiter至識開茶比我地，叫咗個醉雞湯底，跟住我地洗食具，個匙羹有污糟嘢痴住又有漬，於是拎過第二隻，第二隻又係咁，拎第三隻，連第三隻都係咁，第四隻至無嘢，再洗用黎打邊爐撈食物個湯羹，點知仲污糟，痴住既嘢簡直好似用完無洗過咁就比人用，拎咗幾個湯羹都係好污糟，到洗碗，啲碗又係咁Waitress拎咗一盤魚生刺身，一盤生鮑魚海鮮，啲食具咁污糟，我唔敢食佢啲生嘢，衛生程度好令我質疑，菜、芋頭、南瓜等都唔新鮮，係見到黑黑地，唔知放咗幾耐，可能係尋日火煱時段食剩拎返出黎，呢間喺屯門虹橋既金港酒樓我一定唔會再幫襯，星期五應該好旺，$198自助火煱好似好抵，成晚得幾張枱有人坐，無生意就知好唔掂，食物同環境衛生都差差差勁

以前住屯門，回來飯聚，一選充滿回憶的金港。門面闊落，紫色為主，有放題吧，琳琳種種的鮮菜，一jar jar的自製夏菇草和茅根涼茶，啤酒任拿。呢度既牛肉某程度上比去其他港式火鍋店散叫288一碟本地肥牛仲好，有d地方真係得個貴字，但呢度又ok。海鮮拼盤亦是他們主打，比較新鮮，9點前入座198一位。刺身比較不新鮮，漏單情況比較嚴重，但此兩點改善後還是蠻不錯的。又有得直播足球，門面那麼闊落唔使怕人地個頭阻住你望部電視。

到屯門跟當年鄰居中同飯聚，光臨多年沒來得金港酒家吃晚市火鍋放題。從前住屯門的時候每個月都會來一次喝茶，現在來這裡食個飯都已經變得奢侈。整體來講算是滿意的。海鮮拼盤裡面的魚鮮蝦鮮都鮮甜大件，plating幾靚，令大家好滿足。牛肉唔需要upgrade但已經質量好夠，肉味濃，口感幾full唔係好鞋，好中意。刺身老實講很不新鮮可以next，這是唯一不足的地方,其他食物就唔差，自助吧有很新鮮的蔬菜，炸芋頭等任吃，還有自家製涼茶。有電視看，會直播足球。住附近的話一定每星期黎打住邊爐同三五知己看聯賽。

景峰虹橋酒樓不多，市中心人多又遠，故金港海鮮酒家是這附近任食火鍋的主要選擇。這裡座位寬闊，我們到達時是平日的六時，下午茶至晚餐之間的時段，可選擇較好的位置看電視。職員拿了一個調味架過來，我加了大量生蒜蓉和蔥花，隨後加入少量醉雞窩湯底，自製一個蒜蓉蔥花雞湯汁。先送上調味盤:另有調味吧:和蔬菜自助區:蔬菜自助區2:沒有註明價錢的就是任食的食物:湯底選擇很多，當中有三款辣湯底—四川麻辣窩、金牌沙嗲窩及沙嗲鴛鴦窩。本想選擇麻辣，但友人不嗜辣，最後湯底選了花雕醉雞窩。除非你不喜歡花雕味，否則這個窩很適合女士們吃，雞和藥材補身，冬天喝下湯底全身暖和，不會手腳冰冷。後來看見附近食客也點花雕醉雞窩，似乎這個窩很受歡迎。下次我會試沙嗲鴛鴦窩，一半清湯一半沙嗲湯，滿足吃辣和不吃辣者的需要。醉雞與湯分開上:還以為醉雞是直接放在鍋裡，原來是整隻分開上菜。這可根據自己喜好，分開數件放入鍋中。甫上桌即散發香濃的花雕酒味，引人垂涎。雞肉浸在花雕酒中，已吸收了花雕酒汁入味，齒頰留香。上頭盤前先到飲品區拿飲品。這裡的飲品齊全，有汽水、韓國飲品、籚薈粒飲品，及涼茶，便拿了兩瓶涼茶—竹庶芧根水和夏枯草。外面喝的竹庶茅根水大

這天專程入屯門的朋友家打牌耍樂，晚上朋友帶路到這間「金港海鮮酒家」吃火鍋，說真的，不是屯門朋友帶路，真的不會發現這間性價比高的海洋火鍋🙈因爲它在住宅區裡，不近大型商場和鐵路站⋯但它附近有很多停車場和「咪錶位」，有車的朋友不妨來試試🤗個人推介的是「花雕醉雞」火鍋湯底，因為它花雕酒味濃香，且湯底裡足料的藥材配料愈煲愈有味，湯底是愈吃愈香濃，加上醉雞的肉質嫩滑，即使其他的火鍋配料未到，都已經讓你大飽口福😋還有很優惠的是他們的刺身拼盤只是$20一位，但已經有三文魚、帶子、北寄貝和希靈魚等刺身，還要真的是一人一份！非常抵食😳🤤他們的其他任食火鍋配料選擇都不少，除了有平常的肉片和丸類，還有很多少見的魚類選擇，例如：白鱔片、脆鯇魚腩、魚雲和九肚魚等，喜歡吃魚的朋友真的應該來這裡盡情吃一番😜另外值得一讚的是：他們的自助蔬果枱，除了擺放了多種新鮮的蔬菜和菌類，讓你喜歡拿多少就拿多少，還有我最愛的「出前一丁」和烏冬都是任食任拿的😆👍🏻總結而言，這間只收每位$198的任食火鍋酒家，絕對值得你這個秋冬去暖一暖胃😉🤗

有日跟家人去住屯門的親戚家拜訪後，一起到附近的這家「金港海鮮酒家」食火鍋，家人點了「花雕醉雞窩」，連我平時怕藥材味少吃這個的人都覺得不錯，雞肉又夠嫩滑👍🏻加$20就有的「刺身拼盤」也頗為豐盛抵食，有三文魚、帶子和希靈魚等貴價刺身，絕對值回票價👍🏻火鍋配的「海鮮拼盤」亦不錯，有鮑魚、白鱔片、扇貝和海蝦等，鮮味十足😋還有他們的安格斯肥牛，脂肪分佈平均，肉質鮮嫩，牛味濃香👍🏻🤤其他火鍋配料的選擇也不少，有蒙古羊肉片、手打三寶丸、蟹粉包心丸、脆鯇片和鮮炸響鈴等，全都足料又好吃👍🏻我最欣賞的是任飲的飲品種類繁多，特別是有我愛的「百事可樂」😜還有適合我家人的鮮製健康飲料，如酸梅湯和竹蔗茅根等🤗吃飽還可以任選各味道的雀巢雪糕，並舒適地坐著「睇波」，因為他們是酒家裝潢，餐桌座位寬敞舒適，還有「Now TV」放送，我已經決定下次一定叫上我班「波友」一起來「打住邊爐睇波」😜😁

見D食評寫得咁好，所以今天來試吓。任食海鮮火鍋送一客刺身，有三文魚、帶子、北寄貝、甜蛋、䂜⋯⋯，質量一般。海鮮都係一般貨色，有扁貝、鮑魚、貴妃蚌、魚、蝦、⋯⋯。飲品有楊協成各種菊花茶、甘庶水⋯⋯仲有樂天杧果及蘆薈汁⋯⋯全晚最激氣係每次落單，貴價的食物如牛肉、墨魚滑必定漏單！！！追單多次，成日話睇漏，實則扮漏單減成本！下次唔會再來！晚市第二輪明明話食到十一點，十點半就已經收曬放出面的食物，😡😡😡！

上星期入咗去屯門同朋友經過呢間金港海鮮酒家見到有好抵食嘅海鮮火鍋放題 每位＄198仲要免茶免介有刺身食同埋送海鮮拼盤仲有安格斯牛肉送添可以食2.5小時真係覺得好抵食呀朋友話好鬼肚餓話想食多啲野喎好啦咁我就同佢入咗去試啦哇個海鮮拼盤好豐富啊刺身拼盤款式都唔少wor最緊要食落新鮮好豐富啊！超多嘢食湯底有八款我哋揀咗香茜皮蛋清湯鍋貪佢夠清因為要減肥啊啲菜好靚呀我每樣攞d！又多款D菇類都好好食啊！夠曬爽我前後攞咗三轉菜 雖然牛肉我唔食不過朋友話呢度啲牛肉唔錯另外呢度啲豬紅夠實淨唔會一夾就散我哋另外叫咗鱔片、鮮蝦、蓮藕片同埋蟹籽丸呢度啲海鮮唔錯啲蝦好好食我哋前後叫咗有三轉蝦味道鮮甜而且肉質非常之實淨😍好好食另外鱔片夠晒鮮味其他野都唔錯飲料任飲仲有自家製涼茶 如果涼茶貼上名稱會好啲容易分辨係乜嘢來甜品有雪糕雪糕口味有芒果、芝麻、紅豆、朱古力同雲呢拿個人最鍾意係紅豆味因為雀巢雪糕紅豆味好濃而且食到紅豆粒最緊要唔會太過甜$198有咁多野食真係超抵我地食到捧住個大肚走超滿足啊！打邊爐減肥tips：記得肉類最後先放先食菜同海鮮咁就會吸少d油啦

嗰日去開屯門做嘢，做完嘢有啲肚餓，咪直接喺屯門嗰邊搵嘢食囉。之後發現有間任食火鍋，咪入去試吓，入到去發現環境寬敞，空間大坐得舒服，而且環境唔錯。湯底有好多選擇。選好咗湯底之後，店員即刻擺上醬料。我地點左香茜皮蛋清湯鍋。任食火鍋另送海鮮拼盤，海鮮款式有魚、鮑魚、聖子、花甲、扇貝及其他蜆類，海鮮十分新鮮及清洗乾淨，鮑魚肉厚彈牙，聖子大隻，斑塊厚切魚味十足，蜆食落冇沙。之後到附送嘅刺身拼盤，刺身好大件，款式又多，三文魚好肥美，甜蝦鮮甜，帶子爽口彈牙。最後多安格斯A4牛肉，牛肉脂肪分布平均，牛肉味濃。蔬菜同麵可以到自取區選擇，蔬菜非常翠綠，亦有冬菇、南瓜、芋頭、粟米。飲品櫃有各類汽水，值得一題仲有涼茶供應。食完附送嘅食物，再點咗其他火鍋配料，蓮藕片爽脆，脆鯇魚腩鮮甜，羊肉唔臊，鱔片鮮甜彈牙，豬紅口感結實，蝦同牛好好味所以再點。最後到甜品，雪糕有芝麻味、朱古力味、芒果味同好少見嘅紅豆味。每位都係$198絕對超值。

周末趁放假，相約一位住屯門的朋友吃飯，朋友建議試下新開張的金港海鮮酒家，就在她家附近，這麼近，當然沒有異議。其實發現價錢不算貴，放題每位$198，任食2.5小時，還免茶，免芥。免費湯底有11款可供選擇，選擇多自然口味變化也多啦，適合吾同人口味，食多幾次都仲得。如果想升級放題，也有5種可以選擇，龍蝦、花膠這些上乘菜式，加多一百幾拾就有得食了，食得開心，隨時又可以叫上幾支啤酒啤啤佢。何樂而不為。火鍋配料有四十多種可供選擇，包括肥牛在內，把邊爐怎能沒有肥牛，所以喜歡吃肥牛的就可以吃個夠本。白膳片其實也吾錯。酒樓有個五層高魚缸，里面養著鮮活的各式海鮮，蝦、蜆等，麻雀雖小，五臓俱全。的確可以加強食客的信心。主角終於出場啦，各式剌身整齊排列，光是外表鮮豔的顏色就已經很殺食了。隆重登場的是海鮮拼盤，新鮮爽口，即滾即吃，甚是鮮甜美味，朋友的確無介紹錯，其實鮮蝦還可以無限添叫，如果碰上喜歡吃蝦的朋友，這的確是一項好的回本位。安格斯A4牛肉也不錯，吃起來有濃香牛味，雪花般的色澤，甚是吸引人食慾。除了任食的點餐紙外，還設有一個自取吧，各式菇類、芽菜、南瓜、雞蛋、麵等可以任取任食。十分方便。飲品方面也在放題免

酒樓食飯最大的好處是空間大，坐得舒服，適合二人至十幾廿人都無問題，如果想要私隱，還可以包間房仔。因此我們都喜歡到酒樓用膳，平時會叫上幾個小菜，白飯幾碗。不亦樂乎。因為酒樓推廣火鍋放題，價錢實惠，包括剌身拼盤、安格斯A4牛肉、海鮮拼盤、火鍋底及60餘款火鍋配料，還包括飲品、茶水及雪糕，與家人商量後決定今晚火鍋。火鍋底免費的有8款，想吃得豪氣，就加錢帶來高級享受。龍蝦、花膠任君選擇。首先是指定刺生拼盤，各式刺生整齊排列，顏色吸引，吃起來亦甚覺新鮮。海鮮拼盤有魚，蝦，帶子、聖子、鮑魚和各式蜆類，經過廚房處理及清洗乾淨，食起來特別放心。安格斯A4牛肉，雪花般的色澤，肥瘦適中，因為是薄切關係，放入熱湯中一滾，已經食得。除此之外，還有配料可以免費追加，如果想再來一盤剌生拼盤只加＄20。價錢算合理。配料之中還有自選烏冬，出前一丁等，各式青菜已洗乾淨可以任食。飲品欄除了罐裝飲料還有渣裝酸梅湯，庶汁等。種類和選擇也不少。原來蒸氣石鍋也是同價，我們商量著下次來食海鮮蒸氣石鍋

友人新居入伙，令我有機會再次踏足屯門，造訪完後便跟友人在附近覓食。由於當天經歷了頗長的車程，因此非常肚餓，決定吃這家火鍋放題！ 酒樓的裝修新淨美觀，鮮紅地氈配紫色椅套，感覺醒目。 侍應招呼周到，甫就座便為我們擺上醬料，介紹火鍋放題的「玩法」。$198包海鮮拼盤﹑刺身拼盤﹑安格斯A4牛，以及任點配料。湯底選擇比一般火鍋店多，最後選了蕃茄豬骨湯底。 與一般放題一樣，設有自取食材區以及飲品櫃，值得一提是有涼茶免費供應，真貼心！海鮮拼盤率先登場，猜不到實物與餐牌展示的一樣地美觀！海鮮看起來頗新鮮，在旁的侍應「搭嘴」說這些海鮮是每日新鮮運到。其中以蚌和鮑魚最鮮甜出色！ 至於刺身拼盤賣相亦十分討好，實在以為自己到了家日式料理店，三文魚沒有筋，北寄貝也夠爽口！ 安格斯A4牛肉牛味濃，脂肪分佈平均！每位加$28更可任食，但我們想留肚試試其他配菜，加上原本份量已不少，所以沒再追加。 由於附送的拼盤太豐富了，所以不是叫了很多任點食物。後感：這家酒樓頗有人情味，侍應不似市區的冷冰冰(至少與我常到的酒樓比)，而是招呼殷勤，更多次鼓勵我們點多些食物﹑日後多光顧些，這種熱情大概是屋邨酒樓獨有的人情味。 

🌝中秋節是傳統上團聚的日子，趁著今日公眾假期，特意去探望住在屯門虹橋的親戚聚一聚。晚飯時親戚問我有沒有興趣去吃火鍋，當下秋意漸起，就跟著他一起去吧!🌝他帶我來到雅麗花園的金港海鮮酒家，他說這酒家剛於9月中開幕，標榜「超級海鮮火鍋放題」。之前他也想試試了，正好中秋時節特意和我來過中秋火鍋小團圓。🌝剛進店，發現已經有很多人，心想食物質素應該不會太差，店員介紹我們吃每位$198的「超級海鮮火鍋放題」，有刺身拼盤、海鮮拼盤、安格斯A4牛肉一碟，還有其他任飲任食的火鍋配料、雪糕和飲品。聽下來很豐富及挺化算的，所以我們決定選擇食這個海鮮放題。🌝侍應先上刺身拼盤和海鮮拼盤，我們都眼前一亮！刺身有很多種類，有三文魚、甜蝦、帶子、北寄貝、希靈魚等等，附上壽司醬油和wasabi~ 海鮮也不遑多讓，有鮑魚、蟶子、蝦、扇貝、花甲、魚等等~ 之後侍應再上安格斯A4牛肉一碟，目不暇給! 🌝我們看到這兩個拼盤和安格斯A4牛肉，已經覺得$198值回票價！另外，食物質素也很好，沒有將貨就價。一個字：正！🌝我吃完這三款已經半飽了~ 之後那些任食火鍋配料跟其他任飲任食火鍋酒家所提供的都差不多~ 🌝另外不可不提的是飲品，比較

喺香港要搵到主打「任食」、「放題」嘅食肆一啲都唔難，但要搵到任食、抵食又好食嘅就唔容易。有時都鍾意同屋企人去打邊爐，貪佢夠多款，菜肉選擇各適其適，滿足到「食肉獸」同埋鍾意食素嘅朋友。 今次屋企人出去覓食，搵到一間任飲任食火鍋嘅酒樓，見到門口廣告寫著送刺身拼盤、安格斯A4牛肉一碟、環球海鮮拼盤據(6-8款)、無酒精飲品任飲、精美雪糕，驟眼睇好似都好豐富咁。入到去已經見到大大個雪櫃擺咗好多飲品，有好多新潮嘅韓國Lotte飲品，如果要傳統啲嘅楊協成又有，啱晒唔同年齡層 火鍋湯底有成8款揀，以任食火鍋黎講，可以揀嘅款式都真係算多，見到有啲都幾特別，好似日式三文魚頭窩、番茄濃湯豬骨窩，不過我哋都係鍾意傳統鴛鴦鍋。始終係任食免費送鍋底，所以沙爹味都唔係好濃，溝得多水，如果濃番一啲就好啦。 湯底上咗之後，好快就送上海鮮拼盤。數數海鮮數量，真係有成8款，有大隻蟶子、貴妃蚌、花甲等等，最驚喜係連鮑魚都有，海鮮望落去都好新鮮。輕輕灼下就熟，食落無一樣嘢係有沙，貝殼類嘅都好鮮甜，肉身好彈牙，一個字「正」! 鮑魚嘅內臟都已經清理埋，所以食落都好方便。除咗蜆殼，仲每人有一舊魚塊，喺大魚切出黎，超級厚肉，但係都唔

朋友住屯門，中學時代間中都會大夥兒去酒樓食任飲任食火鍋，普通的任食火鍋大多定價在150元下。這間酒樓任食火鍋要$198，但仔細一看才發現，每位另送海鮮、安格斯A4牛肉及刺身拼盤，看似頗豐富，決定一試。甫坐下，職員就拿了調味架來，醬汁配料都是常見款式。當我想下單時，職員表示可以先享用前茶頭盤先，以免沒有位置放食物。職員隨後送上海鮮拼盤，我就明白為何職員建議不要急下單。偌大的盤內放了8款海鮮，款式真的不少，如：鮑魚、大蟶子、花甲等，更有新鮮斑塊。海鮮一點都不吝嗇，大大件賣相吸引。海鮮真的十分新鮮，鮑魚厚肉十分彈牙；蟶子同樣大隻，味道鮮甜，不蘸醬油吃更見其鮮味；斑塊厚肉，肉身不韌，魚味十足，這盤海鮮拼盤真的值回票價！緊接著就是贈送的刺身拼盤，有三文魚、帶子、八爪魚、吞拿魚、象拔蚌、希靈魚、甜蝦及玉子。始終不是吃刺身的餐館，不會抱以很大期望。刺身都算厚切，三文魚及八爪魚不過不失，象拔蚌卻有驚喜，爽口鮮甜。安格斯牛肉一上，見其脂肪分平均，不會太肥，厚度適中，賣相頗吸引。輕輕一灼，肉味香濃，不會太稔，絕對比平日普通的肥牛高質很多。基本上吃過這幾款贈送的食品，已經捧著半個肚皮，簡單點多幾款火鍋配料已