蜀府川鍋 (已結業)

住在油塘的同事生日，放工齊齊去同佢慶生，訂左油塘工業區一間川菜館，名叫蜀府川鍋。因為有好抵食的海鮮鮑魚雙層蒸氣塔套餐，人越多越抵食。有三款湯底選擇。我們選了瑤柱排骨粥底。食材以人頭計，有蒜蓉蒸開邊龍蝦(半隻)、原味蒸鮮活大蜆皇、游水沙巴龍躉、九頭活鮑魚、蟲草花蒸鮮雞，蒜蓉粉絲蒸大元貝、鲜甜貝殼、超甜粟米、甜品：手工芝麻綠茶芋茸餅。侍應會一次過送曬所有食材上枱，之後由我們自己蒸食物，喜歡食乜就蒸乜，大家邊蒸邊食邊談笑風生。蒸鍋分兩層，下層是瑤柱排骨湯底，蒸食物前要將米放入，待最後煮成粥就有得食。首先蒸龍蝦，龍蝦已開邊，上面放了蒜蓉，蒜蓉又香又惹味，令海鮮更美味。鮑魚彈牙，我留到最後放入粥食，變成鮑魚豬骨粥，更好味！蟲草花蒸雞，已經落左調味醃過，雞肉鮮嫩入味，蟲草花爽口。蒸游水沙巴龍躉，肉質鮮味又嫩滑。蒜蓉粉絲蒸大元貝和蒸活大蜆皇好鮮甜，甜品芝麻綠茶芋茸餅，香口美味！最後粥底都好綿滑，鮮甜好味！除了火鍋還有小炒菜式，同事喜歡炸大腸，即叫即炸，香脆可口，配甜酸醬更好味！