影片
更多
2013-07-04
32 瀏覽
今日為了慶祝朋友生日,加上佢又買左日本手信比我,因此我特意選這間懷石料理,原因係佢無係日本食懷石料理,真在令我費解,他說在日本主力食吉野家(相信佢講笑姐)其實懷石料理係好貴的菜,閒閒地過千蚊起每人,如果唔係佢買手信比我,我就打算請佢食雲吞麵算數7時半到了美銀,在G/F找到這店.看過MENU後,服務員介紹了這個800蚊皇牌組合(OMAKASE),他說叫左呢個就試盡本店的味道.咁我就立即叫呢個先啦如果以800蚊來講,比起香港高檔的懷石料理平足一半,真的夠霸氣.之後再介紹這個給我說有塊鹽上面燒和牛,但我怕太熱氣,所以放棄了但朋友又要說食天婦羅,真係怕了他所以簡左這個天婦羅的餐(310蚊,心想仲平,呵呵你真係走寶)之後再叫支清酒叫了160蚊那支,飲落比較清甜不辣,O岩哂我們.佢放酒個樽好似幾好,冰就係中間分開左,很實用.飲了2杯後,前菜便送上.分別有一個魚仔,豆腐和中間的玉子,蝦,海苔和鴨胸魚仔就好重味,咸咸甜甜咁樣,仲有少少脆身,幾惹味,而且係魚仔來講佢都好大條下(即係好大的魚仔/好細的大魚)豆腐係少少帶綠色,食落又無相關味道,但豆腐吸盡醬油味.而蝦也是有輕輕的醬油味,簡簡單單的調味食出蝦的
其實懷石料理係好貴的菜,閒閒地過千蚊起每人,如果唔係佢買手信比我,我就打算請佢食雲吞麵算數
7時半到了美銀,在G/F找到這店.
看過MENU後,服務員介紹了這個800蚊皇牌組合(OMAKASE),他說叫左呢個就試盡本店的味道.咁我就立即叫呢個先啦
如果以800蚊來講,比起香港高檔的懷石料理平足一半,真的夠霸氣.
之後再介紹這個給我說有塊鹽上面燒和牛,但我怕太熱氣,所以放棄了
但朋友又要說食天婦羅,真係怕了他
所以簡左這個天婦羅的餐(310蚊,心想仲平,呵呵你真係走寶)
之後再叫支清酒
叫了160蚊那支,飲落比較清甜不辣,O岩哂我們.佢放酒個樽好似幾好,冰就係中間分開左,很實用.飲了2杯後,前菜便送上.分別有一個魚仔,豆腐和中間的玉子,蝦,海苔和鴨胸
魚仔就好重味,咸咸甜甜咁樣,仲有少少脆身,幾惹味,而且係魚仔來講佢都好大條下(即係好大的魚仔/好細的大魚)豆腐係少少帶綠色,食落又無相關味道,但豆腐吸盡醬油味.而蝦也是有輕輕的醬油味,簡簡單單的調味食出蝦的少少鮮甜,玉子就比較普通,甜甜地.海苔原來係包住魚仔,魚仔做得比較甜,海苔就比較咸,剛剛中和了各種味道.鴨胸就都係無特別.
食食下又有野送到,係紅魚
在紅魚的底有蘿蔔,豆腐和一粒圓圓的東西食完也不知是什麼.味道也是很日式的醬油味道,紅魚本身的味道不多,也很算這醬油味.有濃有淡的前菜食光後,便送上剌身
我的餐係有拖羅啦,牡丹蝦啦和海膽連紫菜啦佢O個個就係三魚文腩
以800蚊既懷石料理來講都有3片拖羅實在驚喜,入口溶化,完全食出魚脂的油,甜和甘味
牡丹蝦爽口彈牙,帶輕輕的甜味,肉一開二,剛好每人一件,蝦頭的膏也是十分甘香.
而海膽也十分新鮮,散發了海膽獨有的甜甜味道,配上紫菜食更加添口感,也中和剩食海膽的膩.好食的海膽係可以享受一PAT PAT的甜,這裡做得到了.我也經常在其他地方享受一PAT PAT的鼻涕
三文魚腩也絕不欺場喔,5件肥滕滕的腩,咬下去油脂在口在散發著三文魚的鮮甜.
2個餐的刺身也不是什麼次等貨色,更覺得抵食
食完刺身,送上一個湯
入面有海苔,帶子,雞肉,白肉魚.服務員說加點檸汁更好味.咁我又好聽話咁加左少少入口帶有海鮮的甜,雞肉的清甜和海苔應有的味道.日本的清湯正正就是要這樣,簡簡單單
呢個味道到底點整,會唔會用木魚湯做BASE?
食完都飽左6-7成,心想係時候收工,但睇下個MENU原來仲有野來
這個係用黑椒汁燒出來的,有蝦,牛,鰻魚和茹,青紅椒個汁不太辣,黑椒香味存在,也帶點咸味,反而有點香港STYLE黑椒味.蝦就好大隻,肉質夠爽,牛肉就有少少OVERCOOKED,肉好實,但不算鞋,鰻魚肉比較薄,雖剛肉嫩但口感也較稔.但整個菜收盡黑椒汁味道,反而欠了燒的感覺.
之後送上偉大既天婦羅
由於我唔想熱氣,就輕嚐幾口,點知食食下又食鬼哂有3隻蝦,SIZE都幾大,又有南瓜和尖椒
當中以蝦和尖椒較出色.先講天婦羅個皮十分輕盈,比起坊間的厚皮贏起馬半條街,炸功十足,看看底的吸油紙,只係得極少的油,就知道功架有番咁上下.蝦就不夠多汁,但勝在大隻多肉.尖椒少少苦,帶有其獨特的椒類蔬菜味,也有其爽脆口感.想不到叫我800蚊餐都有咁大堆天婦羅!
最後有4件壽司.其中以左口魚邊最為特出,肥美的左口魚邊,既爽又有豐富既左口魚油,魚油味濃郁,放入口中即刻溶化.最後甜品有雪糕一球和芝士蛋糕,雪糕是椰子,我就不太喜歡椰子所以無食到,反正太飽了.
食到依度,發現這裡的份量真的比預料的多很多,十分抵食,如果女仔來,分分鐘叫1個2份SHARE仲可以.
抵食版懷石類理,一定無高檔版用上那些頂級食材,但係絕不欺場,也很新鮮,而且份量巨型,絕對是新的體驗.800舊水值回票價,服務員也很勤力,手巾用完即換.
張貼
