食遇上海料理

營業中

休息中

再次encore ，我每次都係必食酸辣湯底的年糕，酸辣湯底有蛋絲、木耳絲、豆腐絲、竹筍絲等等，今次的羹汁比較稀，入口較滑口。年糕一如以往煙煙韌韌，口感十足。上海排骨擔擔麵一上枱花生味已經好濃郁，湯底係好濃厚既花生醬和麻醬，現搭埋麵條一齊食啖啖花生醬味。尼間擔擔麵仲有得揀辣度，即使唔食得辣既人都食到👍🏼排骨的炸粉好薄身，肉質鬆軟，亦唔會乾身。上海小籠包即叫即蒸都唔會需要等好耐，咬破皮後，流出的湯汁好鮮甜，食材充足。記得要趁熱食吖。$32有4粒，我亞媽話比其他餐廳抵食👍🏼口水雞的醬汁一流，十分開胃又唔會好辣，雞肉質感比較軟淋。一份例牌已經足夠兩個人食，順帶一題，我見到依家有做午市套餐送埋飲品，價錢仲優惠。