影片
更多
2018-08-05
2860 瀏覽
去杏花新城行體育outlet行到肚餓，就打算平平D搵地方食lunch。走左一個圈，發現如果唔食美心或者M小丑快餐，商場其他餐廳食個午餐大概都要$70-100，比較一番後見到日牛火鍋任食午餐都差唔多價錢，就入左去試試。入去前，侍應會先幫你係門口落order。我同朋友兩個人都唔係食肉獸，所以一齊揀左兩個單碟套餐(一豬一牛)開心share，揀完餐揀埋各自既湯底就安排我地入座。假日午餐有90分鐘時限，入座放低袋就可以直接出去攞野食，侍應會去攞之前落左order既單碟同埋單人迷你鍋去張檯，亦會幫我地開著個電磁爐，所以唔需要我地操心。係自助區可以任攞不同蔬菜、菇、丸、芝士腸、蕎麥麵、年糕等等的食材。因為限時得90分鐘，所以我地冇慢慢影相，不過如果大家平日有時間去食，好似係唔限時。自助區亦有基本醬料可以自己按喜好去溝 (有醬油、芝麻醬、蔥、辣椒等等)，仲有唔同汽水隨你任斟任飲。我個人專攻菇同埋大蔥，攞完第一round返埋位時已經可以放入迷你鍋煮。D肉切得好薄，不論牛肉或豬肉，淥幾十秒已經食得。我揀左雞湯，其實就唔覺得有幾特別，因為淥完食材之後點落D自製醬汁就已經食唔到個湯D味。我朋友揀壽喜燒就淥咩都
入去前，侍應會先幫你係門口落order。我同朋友兩個人都唔係食肉獸，所以一齊揀左兩個單碟套餐(一豬一牛)開心share，揀完餐揀埋各自既湯底就安排我地入座。
假日午餐有90分鐘時限，入座放低袋就可以直接出去攞野食，侍應會去攞之前落左order既單碟同埋單人迷你鍋去張檯，亦會幫我地開著個電磁爐，所以唔需要我地操心。係自助區可以任攞不同蔬菜、菇、丸、芝士腸、蕎麥麵、年糕等等的食材。因為限時得90分鐘，所以我地冇慢慢影相，不過如果大家平日有時間去食，好似係唔限時。自助區亦有基本醬料可以自己按喜好去溝 (有醬油、芝麻醬、蔥、辣椒等等)，仲有唔同汽水隨你任斟任飲。
我個人專攻菇同埋大蔥，攞完第一round返埋位時已經可以放入迷你鍋煮。D肉切得好薄，不論牛肉或豬肉，淥幾十秒已經食得。我揀左雞湯，其實就唔覺得有幾特別，因為淥完食材之後點落D自製醬汁就已經食唔到個湯D味。我朋友揀壽喜燒就淥咩都甜甜地，未必個個人啱食。限時內自助區隨便你無限round重複挑戰，如果再order肉就要加錢，正常人基本上係自助區2-3round都差唔多飽晒。食完火鍋，自助區亦有froyo提供，如果你仲食得落都係任食既。
整體黎講，食物味道雖然唔算出眾，環境亦都係正正常常，不過平心而論，一分錢一分貨，90分鐘一人一鍋任食，每人加一後都係$80左右，我覺得好抵。假如大熱天時懶得入廚煮飯，純粹想平平地大食一餐，日牛都不失為一個選擇。
單碟套餐x2 (日牛x1, 豚肉x1)
$72
136 瀏覽
0 讚好
0 留言
題外話/補充資料：
食完之後，衣物難免一身火鍋味，洗衣機解決就得啦~
(以上食評乃用戶個人意見 , 並不代表OpenRice之觀點。)
張貼
