禾牛西日餐廳 (已結業)

今朝一早醒左個肚仔已經開始 咕咕聲，於是乎嗱嗱臨起身出街去屋企附近的禾牛西日餐廳食個早餐先，由於好肚餓的關係，去到一坐低我望一望個餐牌，就立即叫侍應幫我落order喇，叫左個粉嗲牛肉腸仔煎熟蛋米粉加一杯凍菜蜜！落完单不到2分鐘個侍應就好有禮貌甘放低左份早餐比我，我就急不及待食下D牛肉先，真是唔錯，肉質咬落鲜嫩唔 韌 ，而且仲好有沙嗲味，甜甜辣辣幾野味，跟住食埋隻煎蛋，好有蛋香味，再試埋D米粉，都幾好食，D米粉索晒D沙嗲汁好正好好味，最後食埋條腸仔同埋飲埋杯冰凍菜蜜已經好飽好滿足了