禾牛西日餐廳 (已結業)

比個名吸引左，禾牛西日餐廳，心諗應該係啲fusion野，牛扒應該唔會太差，所以就去試下。餐牌有（1）西式的牛扒餐，什扒餐，價錢由$80-$120不等。（2）鐵板餐，價錢$50+， 有湯有飲品，+飯/意粉，仲可以叫兩款餸（西冷扒，漢堡扒，雞扒，司華力腸，腸仔蛋，雞翼⋯），仲可以選黑椒汁，蒜香汁⋯）（3）日式餐，有定食，拉麵，價錢$50-70好似仲有其他餐牌，不過無留意了。見到呢個價錢，其實性價比都幾高，就選左鐵板餐，要腸仔蛋+西冷牛扒，意粉，面黑椒汁。鐵板既木邊，油林林到不得之了，感覺好污穢😖牛扒用梳打粉乸都勁林，無晒牛味，但多根，同好咸，加上勁咸既黑椒汁，成碟野一個字，咸！成碟野煮得最好應該係啲意外，唔會太林，又夠熱！雖然呢個價錢，有咁多野食，唔會有咩要求，但⋯⋯ 真係唔掂😅 比大家樂還要差

轉手後水準很高，抵食，套餐$45起，每次都能保持水準，唔會令人失望。洪水橋嚟講數一數二，用心製作，好有 heart。最近仲有埋中式碟頭飯，幾全面。服務員態度親切，嘢食嚟得快，好滿意。

今朝一早醒左個肚仔已經開始 咕咕聲，於是乎嗱嗱臨起身出街去屋企附近的禾牛西日餐廳食個早餐先，由於好肚餓的關係，去到一坐低我望一望個餐牌，就立即叫侍應幫我落order喇，叫左個粉嗲牛肉腸仔煎熟蛋米粉加一杯凍菜蜜！落完单不到2分鐘個侍應就好有禮貌甘放低左份早餐比我，我就急不及待食下D牛肉先，真是唔錯，肉質咬落鲜嫩唔 韌 ，而且仲好有沙嗲味，甜甜辣辣幾野味，跟住食埋隻煎蛋，好有蛋香味，再試埋D米粉，都幾好食，D米粉索晒D沙嗲汁好正好好味，最後食埋條腸仔同埋飲埋杯冰凍菜蜜已經好飽好滿足了

前日貌似有個新侍應？，平時我係到食開晚餐都唔見佢。平時真心覺得呢間服務態度麻麻 四眼個個真係 不予置評 應該係老闆！！？不過叫佢比多杯水比小朋友食藥，係到嘖嘖聲 激鬼氣，唔知以為你啲水好貴啊！另外新黎個個就唔同 服務態度好好。@@@@@@@@@@當晚我一家四口落去食飯 叫左3個扒餐 食物質素唔講 自己食完就知哈哈，新侍應唔話得 ，個日好忙踢晒腳，但我地不停要求佢拎辣椒仔 茄汁，走幾轉都無好似四眼個個係到嘖嘖嘖！！！野食黎到個時仲不斷提醒小朋友：「小心熱啊，小心彈到！」態度非常十分好還主動比幾張餐紙我地！想食服務就去呢間！想食好西就走啦師兄

1. 飲品 - 糖水係用白砂糖撞熱水開，唔駛講都知杯野係十級難飲2. 湯 - 仲衰過金寶3. 洋蔥汁豬扒配飯 - 洋蔥汁同茶餐廳係一樣。豬扒好硬。飯有飯焦。總結係宜家已經變左一間西餐廳外貌+價錢，茶餐廳質素。終於明白新老闆講嘅"大眾化d"係咩意思。超級失望，覺得比人呃左。

今日幫fd做生日飯 聽講和牛轉左d新野 特登黎試下 😂叫左個三文魚意粉同忌廉意粉配風乾火腿 跟埋沙律牛角包餐湯 都唔錯嘅 但係紅湯淡左少少 煙三文魚本身偏鹹加埋d意粉煮都好味道 一口火腿一口意粉都ok

好耐冇食過禾牛喇！一坐低 見到Ｄ新餐牌，字体好colourful有好多新員工！有一個以前既伙計係到，佢認得我 我地傾左幾句原來轉左新老闆喎!我就Order左  安格斯西冷牛扒 配飯  粟米忌廉湯   飲品:熱華田今次真係有新野!!多左D沙律作配菜，又好食左喎西冷牛扒 叫左七成熟 出到黎又真係七成嘅口感D員工態度好左，好過以前個班好多環境 都確實比以前靚D，Background music都好聽只係有少少美中不足 就係個忌廉湯濃左少少，重味左D不過，整體黎講 的確唔錯，進步左，值得大家一試!

工作中午餐，其實已經下午茶時間，呢間都係呢區喜歡嘅，西餐廳梳化卡位唔迫，坐低店員放低餐具同餐牌，食物選擇唔多！好快揀好！食物要耐心等！網燒厚切豬扒飯（$38）唔知點解我嗰碗豬扒好亂，同事同我食一樣嘅，排列好整齊！豬扒有肉汁，厚切又唔嚡！調味剛好！好味，柚子汁酸酸地撈飯好開胃，沙律菜微澀！所以無食！吉列豬扒日式芝麻冷撈烏冬（$38）同事食日式芝麻冷撈烏冬（$36）同事食熱檸茶：夠熱，茶味濃！檸檬唔澀！店員爽手！地方ok!工作中已經不錯嘅午餐地方！

又同老公周圍搵食洪水橋平時好多時都係去買糖水食不過原來餐廳都有好幾間搵左呢間西日餐廳試下。。。老公中意西我中意日👍🏻👍🏻👍🏻☺️☺️☺️入到去8成枱都有客餐廳細細 電影播住跑馬直播令我諗起細細個去d街坊小店食飯感覺好親民😆😆店員好快就比餐牌我地是日晚餐都幾抵食而我就深深比呢個吸引住😍😍😍而飲品都有好多選擇餐牌仲有好多散叫嘅小食同意粉呀焗飯咁不過因為第一次黎唔知份量所以都係叫左一人一個餐先😋😋老公個晚餐包左一塊牛油多士同一碗湯湯我地選左白湯，黑松露忌廉湯以為平平無其 點知又幾香wo😋另外因爲對黑松露情有獨鍾所以見到加19蚊有個黑松露配脆法多士就點左☺️☺️☺️又真係有驚喜wo 又香又滑 放上多士上一齊食👍🏻👍🏻👍🏻唔錯唔錯飲品因爲有好多唔同嘅特飲加9蚊無所謂啦😂😂😂叫左杯綠茶水晶紅豆冰。。。可能我地誤會左係綠茶嘅奶啦一上枱有少少失望😆但飲落又ok同紅豆冰一樣味😛😛😛我就點左杯荔枝蘆薈泡沫紅茶好多泡😂😂😂飲落唔會過甜好清香👍🏻老公份肉眼配黑椒汁好快就到lu配左意粉 點左7成熟不錯啊 剛剛好唔會難咬開黑椒汁比較濃味 建議少少少少咁加唔好一次落哂而牛扒已有味唔加汁都夠👍🏻我嘅日本定食我覺得正d定食有湯有飯

今日放假一個人喺洪水橋食lunch。 行左陣 見到和牛個餐牌轉咗見個餐牌都ok吸引就入左去啦! 因為其實我都冇食過半年 今日行過見佢餐牌轉咗， 就俾多次機會佢 ，試過平時冇嘅三文魚長法包 同埋紅豆冰心諗38蚊都唔係好貴就試下啦 !去starbucks食都要七十蚊,個買相都幾好!法包看到有小小趣同埋小小戀 中間有青瓜同埋蕃茄 及三文魚 ,上面嗰塊芝士好明顯係燒過嚟 都幾香 ,杯紅豆冰啲紅豆都好淋唔會太硬又唔太甜 。整個午餐都 ok。 不過可能人太多有d嘈 不過可能在正lunch time !我見到格離個招牌豬扒飯都幾正下次試埋佢! 半年之前嚟過 但餐牌及食物一般 今次見佢改咗餐牌先至入事又唔錯，希望keep住水準!

第一位真心推介，日式滑蛋鮮蝦飯，日本風味，蛋好嫩滑，蛋味濃郁，虾夠新鮮，好明顯用心制作，飯好甘香，軟硬適中，食到要加飯因為有蛋汁，撈飯好好味！有香菇好正好有口感！

洪水橋呢個area其實都幾多嘢食喎。呢日午餐我哋試咗:咖哩漢堡扒飯: 漢堡扒份量幾多，有偏薄嘅4塊。喺香港要食到唔錯嘅漢堡扒飯唔知點解咁難。呢度嘅漢堡扒飯都係普遍嘅水準，漢堡扒薄身冇肉汁，仲有少少肉嘅腥味。咖哩汁應該係日式即食嗰種，連薯仔粒同蘿蔔粒都一樣，不過個汁味道都唔錯嘅。北海道網燒豬肩肉飯: 呢個飯嘅名夠晒刁鑽，令為食豬諗起以前有一間專賣呢個飯嘅連鎖店。個特製醬汁仲有地獄版(辣)揀，而我哋就揀左唔辣嘅。 豬肩肉同飯嘅份量都幾多吓，抵食。醬汁都幾香有少少柚子味，唔係好食得出豬肩肉有燒過嘅味道。豬肩肉同豬頸肉嘅肉質好似，比較爽，而且肥瘦肉相間，可能因為怕油膩個飯係配沙律上。呢個飯好食過咖啡漢堡扒飯好多，不過可能豬肩比較肥會有少少滯。

雖然話說經常會到元朗，而洪水橋又份屬元朗，可是洪水橋卻不是經常到的地區。縱使經過，多數不會刻意落車走幾步，不過凡事有例外，今晚就到這裡逛一逛。行得累，就找間餐廳食飯，眼見這間禾牛西日餐廳，二話不說就走了入去。餐廳環境沒有亮麗的裝潢，只是普普通通吧。看看餐牌，日式西式都有，於是從中揀選一款作為今晚的晚飯。秘製網燒汁厚切豬扒飯（八十八個大洋）是一款日式便當，有麵豉湯，螺肉，蘿蔔等。麵豉湯味道不濃，螺肉煙靭。當豬扒蘸上網燒汁，有種微微的洋蒽味道在內，入口幾特別，而且豬扒炸粉不厚，且有勁嚼感覺。甜品為雪糕一個，是一個芒果雪糕。表面是看不出，當舀起後才知道呢！餐飲為綠茶水晶紅豆冰，食材包括了紅豆水晶及椰汁。甜度不高，剛好，調校得宜。今晚晚飯份量不多，剛好一人份，不會太飽。

成日搭車經過洪水橋見到有好多餐廳，心思思都想去試下!! 咁岩今日屋企冇煮飯，就出去洪水橋食個便飯啦~~ 經過呢間餐廳門口望落去都幾OK, 而家日式同西式晚餐都有，咁就入去試試!! 裝修同一般西餐廳一樣都係以暗暗地為主~望一望個Menu先~~um.... 真係好多選擇!!! 一個係today's menu!!!有4樣野揀~而另一個menu係正常menu, 入面都好多野揀~咁就決定左叫一個日式同一個西式晩餐！日式就叫左秘製網燒厚切豬肩脥定食配地獄汁$88！ 成個定食都好豐富喎除咗有麵鼓湯之外仲有小食沙律！首先講吓個秘製網燒豬肩狹先！肉質就好似豬頸肉咁…但係就會比豬頸肉更彈牙更有口感！而且配上佢特製嘅醬汁有少少辣，醬汁有d似照燒汁！哈哈 若果再辣d就更好，更配合地獄汁個名！飯係使用珍珠米，配合返日式嘅風格！而且成個餐個份量都算大份！最後亦有附送甜品！整體成個餐都抵食值得比個讚！而西式餐方面，我哋就揀咗一個香蒜辣汁大蝦燴意大利飯$78！ 仲加咗$19轉餐，有餐湯同飲品。 意大利飯個賣相已經好吸引！望落去就已經見到有幾隻大蝦係上面！ 睇得出師傅係好用心！哈哈 當然係要食蝦先啦！大蝦好新鮮，而且師

洪水橋，相比十年前小妹還住在這的時候真的改變不少。十多年前，西鐵剛開通，現在有名的德國豬手餐廳前身是香辣屋。小妹那時最常吃的是茶餐廳，那些茶餐廳全都是平民小店，沒有甚麼華麗裝潢，沒有甚麼專業服務。友人相約小妹到洪水橋一同吃晚飯，那好吧聚一聚也不多理會吃些甚麼。友人帶了小妹到洪水橋一所平民西餐廳，首先友人相約在洪水橋站。下站後，需要由隧道過對面馬路，再向右手邊的小路轉入，大概由輕鐵站步行五至八分鐘便可。舖外裝潢採用銀底白字再加些射光燈，從遠處也頗容易注視到餐廳，不用怕迷路。晚餐的選擇也頗多的，日式跟西式都不少。是日推介或特色晚餐的價錢不貴，大約是五十多塊到百元左右，對於平民餐廳也是合理的價值定位。進內餐廳的燈光比較昏暗，餐桌的枱布有點殘舊，布製枱布有點落漆般。座位也附有布料墊底，但感覺一般。小妹點了個推介晚餐，友人則點了些西式晚餐。日本北海道十勝網燒汁豬肩脥定食$88前菜 螺肉跟中華沙律螺肉醬汁稠身，肉質爽口沒有太重雪藏味。中華沙律帶微微嗆辣，頗有咬口。前菜份量也夠一個女孩，麵豉湯有腐皮，海帶，豆腐。麵豉湯的味道偏淡，容易入口，不會死鹹又喝口。網燒汁也有分成兩種，一種是地獄網燒汁。網燒汁