齊柏林熱狗店 (灣仔道) (已結業)

最近留意到齊柏林熱狗開左唔少分店，仲要係黃店，灣仔都有間，一於lunch食佢。小小的外賣店，熱狗口味有多款選擇，+$12轉可套餐。士林原味熱狗，$32，賣相吸引，麵包新鮮鬆軟帶脆，匈牙利腸脆皮味道鹹香，有茄汁、黃芥末、酸瓜醬、燒烤汁及芝士粉等多款醬料，味道惹味微辣，幾好味呢。＋＄12 轉套餐，可揀兩款小食或飲品，因外賣返公司食都有野飲，一於要晒小食，要了薯條及粟米，薯條份量頗多，粗身薯條香脆熱騰騰，配上豐富我醬汁，好味。牛油粟米香甜，正常水準。澳式風情熱狗，$38，第2日lunch都係食熱狗，麵包新鮮鬆軟帶脆，紐倫堡腸 味道唔太鹹，熱狗鋪滿芝士、煙肉、菠蘿及千島醬，口感豐富，味道有點似夏威夷pizza，酸甜開胃唔太膩。抵食的熱狗，支持小店。