味來中菜餐廳 (已結業)

午餐時間，點左：咸魚雞粒炒飯（$60）份量超級大碟，一出場已經被佢的鹹香味吸引住，炒飯粒粒分明，炒得夠乾身！雞肉唔會切得太細碎，不錯。喜歡混入左菜心，增加左咬口。銀芽肉絲炒麵（$55）脆卜卜的炒麵，上檯一定要即食。銀芽、韮黃炒到香噴噴，幾爽口。仲有肉絲、冬菇絲...豐富。我是重口味人士，問店員拿了惹味辣椒油，覺得落完成件事更加完整了。跟餐點了兩杯熱檸茶，店內環境寬敞，坐得舒服。同朋友傾吓偈，食飽飽，再去花墟賞花。滿足耶！