臺坊 (香江大廈)

營業中

休息中

一早食過尖沙咀臺坊了😳呢到比我印象都係大件夾抵食，肉燥係我最愛，不論係配飯定係麵都正！原來灣仔都有分店，揀好嘢食就可以自己去收銀嗰度落單！因為好肚餓，所以要食飯🫣配我最愛嘅鹽酥雞，冇諗過佢咁大兜，有四件大大件鹽酥雞，外層脆內裏嫩，肉燥有少少甜味，食落香口上面仲有啲酸菜粒，令成個飯有更多層次。另外我都好鍾意佢哋嘅辣椒油🫣每次食佢哋肉燥飯都會加少少辣椒油，更加好食！嘢飲方面，揀咗黑糖仙草凍🤭有得少甜，所以味道啱啱好，黑糖味道香濃，整體感覺都好好。