尚廚

營業中

休息中

聽朋友講呢間自助午餐有蠔食，價錢好抵。作為將軍澳之友點可以唔試吓。搵平日放假特登同屋企人去試下。平日午餐佢都九成滿座，真係需要一早book定枱先得。個沙律我食咗兩轉。熱食區有即煮嘅湯麵，好多料同調味料選擇。生滾粥區都一樣好多料揀。生滾粥隔離有啲燒味，我最鍾意個海南雞。魚生區蠔係細細，不過咁嘅價錢有蠔食算係咁啦。😂生滾粥，海南雞。然後到甜品區。真係每款雪糕都要食晒唔過分。好多甜品選擇，食到滯滯咗地再食吓生果。總括嚟講，性價比非常之高。不過太多人，坐得有啲迫。二人座位同隔籬枱離得好近。