影片
更多
2021-05-10
4485 瀏覽
母親節與老公家人到佐敦的恆豐酒店食自助餐早鳥訂台優惠，九折後約每位$560，任食三小時：🦞海鮮類有生蠔、龍蝦、蟹腳、青口和蝦等海鮮，refill速度都算快，我地八點半食飽飽走人時，都見仲會有海鮮拎至於質素方面就一分錢一分貨，生蠔有啲啲會有少少苦澀味，要落多少少檸檬汁。有粒實在太其貌不揚，烏卒卒咁所以唔敢食；龍蝦就熟左啲，冇咩鮮甜味；蟹腳蟹鉗位幾鮮甜，我都食得幾多；蝦肉最好食，因為最正常，彈牙且甜👍🏻/🍣壽司刺身類刺身行過見有三文魚、八爪魚和希靈魚等，也有不同款式的壽司和冷麵/🥩燒烤類烤牛肉overcook了，非常硬柴，要做大嘥鬼🙈鵝肝多士唔錯啦；燒雞翼孜然粉好香，好有譚仔味lol/🍳熱葷類有中式蒸比目魚和菜膽雞👌🏻、水煮牛(牛淋到公公婆婆冇牙都食倒😂)、pizza(有菠蘿藥水味)、烤羊架(蘇蘇地有啲黃芥末會易入口啲)、燉湯清清地都唔錯。其他我冇食，但見到仲有芝士龍蝦伊面、烤豬肋骨、鮑魚雞粥和咖喱雞等，都幾多選擇🤔/🍰甜品類芝士小蛋糕和brownie都可以。最喜歡迷你葡撻，熱辣辣食左兩件；芒果布甸和楊枝甘露食左少少就唔想哂quota了；食番個穩穩陣陣的哈根大師雪糕便完美收爐其實佢仲有好多
早鳥訂台優惠，九折後約每位$560，任食三小時：
🦞海鮮類
有生蠔、龍蝦、蟹腳、青口和蝦等海鮮，refill速度都算快，我地八點半食飽飽走人時，都見仲會有海鮮拎
至於質素方面就一分錢一分貨，生蠔有啲啲會有少少苦澀味，要落多少少檸檬汁。有粒實在太其貌不揚，烏卒卒咁所以唔敢食；
龍蝦就熟左啲，冇咩鮮甜味；
蟹腳蟹鉗位幾鮮甜，我都食得幾多；
蝦肉最好食，因為最正常，彈牙且甜👍🏻
/
🍣壽司刺身類
刺身行過見有三文魚、八爪魚和希靈魚等，也有不同款式的壽司和冷麵
/
🥩燒烤類
烤牛肉overcook了，非常硬柴，要做大嘥鬼🙈鵝肝多士唔錯啦；燒雞翼孜然粉好香，好有譚仔味lol
/
🍳熱葷類
有中式蒸比目魚和菜膽雞👌🏻、水煮牛(牛淋到公公婆婆冇牙都食倒😂)、pizza(有菠蘿藥水味)、烤羊架(蘇蘇地有啲黃芥末會易入口啲)、燉湯清清地都唔錯。
其他我冇食，但見到仲有芝士龍蝦伊面、烤豬肋骨、鮑魚雞粥和咖喱雞等，都幾多選擇🤔
/
🍰甜品類芝士小蛋糕和brownie都可以。最喜歡迷你葡撻，熱辣辣食左兩件；芒果布甸和楊枝甘露食左少少就唔想哂quota了；食番個穩穩陣陣的哈根大師雪糕便完美收爐
其實佢仲有好多小蛋糕、豆腐花、班戟和生果，不過我個肚裝滿哂海鮮就冇試了🙇🏻♀️
/
服務方便，職員也很殷勤地幫忙收碟。想拎燉湯時，職員會擔心湯盅太熱，主動幫忙，非常細心👍🏻座位也有安全距離，令人安心。
整體來說，若果對食物質素不是非常講究，我覺得都可以一試，性價比確實唔錯，一家人平平地試下都可以接受😊
張貼
