龍門冰室 (已結業)

有朋自美國來香港公幹，我們約左在銅鑼灣行下，順便食飯聚下舊，行到登龍街，見到有一間龍門冰室，門外廚窗貼了餐牌，朋友見價錢說便宜，而且佢也想試下香港的西餐，就入座了。鐵板美式雜扒，選黑椒汁配意粉，有豬扒、雞扒、腸仔、煙肉、煎蛋。豬扒好大塊，和雞扒一樣煎封得香口又入味，配以黑椒汁好惹味！紅豆冰奶香豆甜，好飲！英式早餐好豐富，有餐湯和沙律。一大碟早餐有炒滑蛋、德國紐倫堡腸、煙三文魚、煙肉、大蘑菇、薯餅、焗豆，蛋好滑，薯餅香脆，大蘑菇味香又厚肉，即烘多士外脆內軟。鹹檸七，半個鹹檸檬配七喜，加埋冰粒，解渴又消暑。薯蓉焗青口，剛剛焗好的青口熱辣辣，青口加入幼滑的薯蓉和煙肉碎，多重口感，十分美味。蜜糖雞翼，雞翼皮脆肉嫩，加左蜜糖，味道甜美又香口。