新濤園茶餐廳 (已結業)

煲仔飯食得多，煲仔麵真係未試過！今次約埋個麻甩朋友去試一試夜晚七半去到，入座率達七成，同朋友好快就點咁八珍豆腐煲同牛腩煲仔麵！等咗五分鐘就食得啦！熱辣辣的八珍豆腐煲有豆腐、豬肚、豬潤、秀珍菇、豬腸、腩肉，食到底仲有好多白菜仔，正呀！最重要係每款配料都好味！豬肚同小腸好爽、豬潤又夠厚身、至於菇同豆腐就吸晒醬汁，非常入味！煲仔麵都非常出色，送到嚟係成個麵餅，建議呢個時候先食配料！牛腩真係多到數唔晒，搭配牛筋，牛腩王必點！我同朋友都唔算食得快，食到最尾，麵質都唔算太稔以後去旺角食快餐除咗譚仔，又多個選擇啦