新濤園茶餐廳 (已結業)

雖然香港呢個冬天怪怪地,有時好熱可以著短袖,有時無啦啦好大風係凍凍地既天氣既時候我就梗係食煲仔飯啦, 暖下都幾正食煲仔飯我平時都會去廟街, 今次朋友介紹話呢間新濤園都幾好食,咁就跟佢去食下啦比個friend話我次次都食臘腸排骨飯好悶wor, 難度專一都有錯?成日都食臘腸排骨飯既我, 今次就食下新野北菇雞加蛋飯, 黎到個賣相都相當唔錯呀! 相機食先!D雞好嫩滑,非常入味!d 菇都好爽口, 仲有好多飯蕉,正呀好食到成個好快就比我KO,因為太肚餓食得太快太狼, 所以食唔飽太正最後決定再叫多一個一模一樣北菇雞加蛋飯, 最後變左同朋友兩個人一人一個煲仔飯呢間新濤園真係幾唔錯, 下次再黎幫襯!

今晚我們去咗旺角豉油街嘅「新濤園」食宵夜！我們叫咗薑蔥魚腩煲炒得好夠鑊氣，薑蔥爆得好香氣撲鼻，魚腩嘅肉質相當鮮嫩彈牙！臘味煲仔飯同北菇滑鷄煲仔飯嘅米飯好軟熟，飯焦好香口脆身，臘味嘅味道比較芳香，而滑鷄嘅肉質好軟滑！香脆滑蛋蝦仁炒麵嘅麵炸得好香脆，蝦仁都幾大隻同爽甜彈牙，而且份量都幾多！另外！值得讚賞嘅係北菇滑鷄煲仔飯嘅煲仔整個裂開咗一半，我們同一個應該可能係老闆嘅男人講，佢即刻好有禮貌咁話：「唔好意思！我即刻換過煲新嘅畀你！」真係值得一讚！

難得係平日放假，仲要加埋咁好天氣所以都唔繼續瞓覺，出去行吓睇吓野，感覺唔會徙咗一日咁，行吓行吓諗諗吓都係番鋪頭睇下，返去之前梗係醫下肚先所以就嚟咗間唔中會同朋友嚟嘅依間度食我最愛嘅煲仔麵無錯！！！係煲仔麵我揀咗牛肉加墨魚煲仔麵，佢用煲仔飯原理， 將飯變做麵牛肉係用新鮮牛肉去整，唔係煮定好似沙爹牛果啲，墨魚丸都好彈牙雖然湯底唔算好濃味，但佢加左啲薑一齊煮所以冬天食都幾正上面又加左啲菜， 今餐都夠晒均勻啦

煲仔飯食得多，煲仔麵真係未試過！今次約埋個麻甩朋友去試一試夜晚七半去到，入座率達七成，同朋友好快就點咁八珍豆腐煲同牛腩煲仔麵！等咗五分鐘就食得啦！熱辣辣的八珍豆腐煲有豆腐、豬肚、豬潤、秀珍菇、豬腸、腩肉，食到底仲有好多白菜仔，正呀！最重要係每款配料都好味！豬肚同小腸好爽、豬潤又夠厚身、至於菇同豆腐就吸晒醬汁，非常入味！煲仔麵都非常出色，送到嚟係成個麵餅，建議呢個時候先食配料！牛腩真係多到數唔晒，搭配牛筋，牛腩王必點！我同朋友都唔算食得快，食到最尾，麵質都唔算太稔以後去旺角食快餐除咗譚仔，又多個選擇啦

今晚我們去咗旺角豉油街嘅「新濤園」食晚飯！我們叫咗豬膶魚腩煲仔麵平日食開嘅公仔麵都係用碗載著，但呢度係用煲仔嚟載著，感覺都有創意同特色，公仔麵嘅麵質好爽口彈牙，豬膶好爽滑！魚腩粥同田鷄粥嘅粥底煲得好香滑軟綿，魚腩嘅肉質好鮮甜嫩滑，田鷄嘅肉質好結實彈牙！臘腸田鷄煲仔飯嘅飯吸收晒臘腸嘅油香味，飯焦亦相當香口脆身！蜜椒薯仔鷄中翼嘅薯仔同鷄中翼沾滿晒蜜糖同黑椒，味道超香甜惹味，薯仔嘅表面炸得非常香脆，咬落去入面嘅薯仔好軟綿綿，鷄中翼嘅肉質相當嫩滑，而且份量都幾多，真係好抵食！

一直都有去開依間食飯，平時黎黎去去都係果幾味，甘今次就望下有咩未試過試下！ 哈哈，竟然起蔬菜類揾到碟名為<蜜椒薯仔雞中翼>,起初有啲抗拒，因為我好驚係薯仔燜雞翼果種，(因為我超愛食雞翼，但因會食個皮係脆果種),甘有啲朋友都話未試過試下，甘就一於試下！因為一行8個人，所以嗌2碟雞中翼！仲有煲仔飯果啲！今次重點推介依碟呀！ 黎到果下真係好吸睛 我最鍾意食就係蜜糖雞翼，而佢仲要加左黑椒，個皮勁脆，又唔會好油，食落真係嘩一聲，正 個薯仔又好味，係連埋皮架！ 好好味！ 連隔離枱都俾依碟野吸引住！真係估唔到誤打誤撞都嗌到碟甘好味既！ 一定會再黎食過！利申-依到係2碟加埋既份量!!!!!

跟住人肉美食指南一定有好西食位置：係旺角金雞戲院直落行多條街店內：一般茶餐廳裝潢，但服務員態度爽快親切 食飯時段坐無虛席食物：招牌沙姜雞必叫 肉質滑嫩 沙姜味入晒落隻雞到 88一隻抵食指數我地仲點咗蒸魚 時間控制好好 魚好新鮮 價錢親民 回頭指數：

煲仔飯就食得多，煲仔麵就真係未試過。聽fd講有好味抵食嘅公仔麵，即刻扑去試試。點左個魚蛋公仔麵，魚蛋新鮮爽滑面質有彈性仲要熱辣辣，滋味指數爆燈。價錢合理40蚊唔洗跟手再點個黃金雞軟骨，爽口彈牙入面濃香蛋黃味，真係一定要試

有時熱辣辣唔一定要食凍野既自從之前食過依間店既煲仔麵之後有啲上癮即使今日咁熱天氣都照想去食所以就同男友黎左食啦鍾意食魚既我梗係點 「魚腩麵」 $39熱辣辣仲滾緊咁端上檯生菜底下有麵同三舊魚腩伴住都好大舊魚腩而且食落唔腥不過小心要睇骨想食麵又想食魚腩唔係度度有依度都係一個唔錯選擇

滾燙煲仔麵，簡直第一次食滾燙咁送上黎水仲滾緊材料可自選，有豬肉丸，雞翼，沙爹牛肉⋯最特別係魚腩麵，所以今次食都揀左依個，魚腩用過薑爆一爆，絕不揸流灘魚腩麵盛惠：$36

平日煲仔飯就食得多 煲仔麵真係第一次食因為覺得好特別所以就走去試下。去果時係晏奏幾驚冇得食，你知啦 平日食開果啲煲仔飯都係夜晚先有得食嫁嘛！入到去 環境同普通茶餐廳冇乜分別係燈光暗左小小煲仔麵都有好多餸揀 有魚阿 丸阿 牛肉雞肉果啲都係平時食麵餐會有得揀果啲餸我就揀左牛肉加沙嗲(沙嗲要加$3)一上果時個煲仲滾緊 渣渣聲 而且仲好香食落口啲牛肉都幾滑，不過加左沙嗲鹹左小小個煲keep住滾 所以啲麵好易林建議大家食快小小但整體都唔錯 值得一試都係一個幾特別嘅體驗

當天是 耶穌受難節, 天主教徒必定要守大齋, 不可吃豬、牛、羊, 可以吃海產類, 只要不太飽肚便可以 ....粟米斑腩 (小菜) 配一碗白飯 $48說是斑腩是有點不合適, 因為吃得出這魚柳似是 “龍利魚" 的肉味而非石斑 .... 魚柳炸得金黃色, 外脆內嫩, 而每片魚塊也充分地掛著不少嫩滑雞蛋絲的粟米粒芡汁, 水準不俗 ~本篇完 ~

新濤園開到凌晨3點，適合有食宵夜的朋友。 煲仔飯就食得多，煲仔麵就第一次食。感覺幾特別牛腩味濃郁，口感軟稔。咬下去滿嘴充滿牛腩味，亦相當之滑，非常香。建議敢吃牛肉的朋友一定要試試這個牛腩麵煲仔。不過有點不滿意，餐廳的環境真的不怎麽好，很擠逼，而且不太衛生。

呢個牛腩煲仔麵真係不得了,牛腩滑得黎又唔油,口感都幾彈牙,個湯夠晒味,宵夜用黎填肚一流.但店入面其實都幾迫,地下唔係咁乾凈,同埋問D伙計有咩推介,佢地好似對你不瞅不睬咁,呢樣就可以改善下,但食物既質素唔錯

深宵時段旺角食肆仲有開嘅並唔多，呢間新濤園開到凌晨3點，適合夜鬼一族。新濤園最出名都係煲仔系列，極多花樣嘅煲仔飯煲仔面，有選擇困難症嘅人士慎去呢間店。我就叫左個煲仔牛腩面，等左一陣就到。原個煲仔連蓋直接送到你眼前。我個人驚熱就好弱咁叫姐姐幫我開，大家可以試下自己開唔開到個蓋。面質方面好彈牙，吸引左清湯嘅味道。牛腩牛味濃郁，相當軟稔，再帶少少油花，一咬落去裏面充滿牛汁。牛筋一咬就斷開，完全不費咬力。入到口口感彈牙，好似食緊骨膠原咁。亦相當之滑，一唔小心就會吞入口。簡單d黎講牛筋“軟”“Q”“滑”。