漢興茶檔

營業中

休息中

宜家物價上漲，就算食個公仔麵都$30-$40起都係正常事，樣靚啲就去到$50-$60。 二十幾蚊一個麵嚟講，份量仲要唔少，真係算抵食。蛋鹹牛肉麵 ($24)公仔麵鐘意硬身啲定淋啲都可以有得簡(唔鐘意麵仲可以轉成士多士)；鹹牛同蛋的份量亦足夠，鹹牛量都夠多 (鹹牛控要留意)。而且面有焦香，內在亦唔會好乾。雞翼 (三隻 / $17)表面夠香，內裡夠滑，有汁唔乾身。豬扒 (一件 / $17)份量大塊，夠味道，不過略為偏硬咗少少。凍奶茶 ($16)唯一覺得唔太好就係無餐，想飲嘢只可以散叫，價錢嚟講唔算好抵，不過嘢飲都大杯同夠香滑。