影片
更多
2016-03-24
421 瀏覽
老公話近排食得太多西餐，想換換口味，問我有甚麼中菜館值得一試。從飲食網最新餐廳一欄找到這間《掂‧飯飯店》，翻查資料，得知原來餐廳大廚文哥曾在鯉魚門當廚二十幾年，烹調經驗極之豐富，離開後決意將鯉魚門風味帶進這間飯店。見網上幾篇食評都一面倒地讚店子出品富水準，所以這晚下班後就決定一家人來試新嘢。店子位於炮台街 28 號地舖，講真筆者平日極少會去佐敦一帶覓食，所以初頭還有點擔心，怕會難倒我這個路痴，原來餐廳地點都算就腳，由佐敦港鐵站 A 出口步行過來，亦只是約 10 分鐘路程，交通挺方便。甫踏進店，見舖面裝潢雖然只是一派街坊格局，不過望落去唔算擠逼，而且椅桌擺放得十分整齊企理，具小館子風味。原來這飯店分為上下兩層，不過聽說樓上一層當晚已經全部爆滿，可想而知餐廳有幾咁旺場。入座後先拿起餐牌細閱，菜式選擇非常豐富，包括有游水海鮮、必食的招牌菜、小炒、蟹類、煲仔菜和蒸餸等等，另外餐廳更歡迎食客自攜海鮮，加工每斤 $50，加工配料則另計。見牆身上的蜜椒脆皮德國豬手 ($168) 相片，賣相吸引，決定先點一客試試。原來隻豬手唔算好大，約二人份量，放上檯時已經連脆皮切好一塊塊！急不及待挾起一件入口，外皮
老公話近排食得太多西餐，想換換口味，問我有甚麼中菜館值得一試。從飲食網最新餐廳一欄找到這間《掂‧飯飯店》，翻查資料，得知原來餐廳大廚文哥曾在鯉魚門當廚二十幾年，烹調經驗極之豐富，離開後決意將鯉魚門風味帶進這間飯店。見網上幾篇食評都一面倒地讚店子出品富水準，所以這晚下班後就決定一家人來試新嘢。
店子位於炮台街 28 號地舖，講真筆者平日極少會去佐敦一帶覓食，所以初頭還有點擔心，怕會難倒我這個路痴，原來餐廳地點都算就腳，由佐敦港鐵站 A 出口步行過來，亦只是約 10 分鐘路程，交通挺方便。甫踏進店，見舖面裝潢雖然只是一派街坊格局，不過望落去唔算擠逼，而且椅桌擺放得十分整齊企理，具小館子風味。
原來這飯店分為上下兩層，不過聽說樓上一層當晚已經全部爆滿，可想而知餐廳有幾咁旺場。入座後先拿起餐牌細閱，菜式選擇非常豐富，包括有游水海鮮、必食的招牌菜、小炒、蟹類、煲仔菜和蒸餸等等，另外餐廳更歡迎食客自攜海鮮，加工每斤 $50，加工配料則另計。
見牆身上的蜜椒脆皮德國豬手 ($168) 相片，賣相吸引，決定先點一客試試。原來隻豬手唔算好大，約二人份量，放上檯時已經連脆皮切好一塊塊！急不及待挾起一件入口，外皮完全沒有多餘的油脂，咬下更聽到豬皮脆裂的聲音，加上內裡的肉質既鬆軟又夠腍滑，確實讓人邊吃邊讚。聽店員同鄰桌的食客介紹，原來廚師要先將整隻豬手拿去炸，然後再烤，以便鎖住肉汁，唔怪得件豬手食落不獨外層香脆，連內裡都咁嫩滑多汁，就算冷了吃，口感仍然脆卜卜。另外要特別一提隨豬手附上的一小碟桂花蜜醬汁，用來蘸點著吃，可解膩之餘更令豬手多了一份甜香。
老公見這晚天氣凍咗，怕餸菜上桌後不久便放涼，令食味大減，所以想點客熱辣辣的煲仔菜吃，我提議不如打孖上，先吃個雞煲，另加一味白胡椒石斑仔，包保夠曬暖身。近年時興先吃雞煲，後放湯打邊爐，變成雙重享受，不過這晚只得我和老公、兒子三人，唔想點太多食物做成浪費，所以只簡單地揀了個和味雞煲 ($128半隻)。雞煲以一個黑色鍋上檯，並以爐具熱著，先挾起雞件入口，吃起來既香口又有肉汁，而且明顯有被煎過的痕跡，而老公就讚雞件肥美得來又不過份油膩，碎骨少，連配料洋蔥、芫荽都入味可口。
至於另一客鑊仔蘿蔔白胡椒石斑仔 ($268)，成品以鑊仔滾住，送上來時見條魚仍在沸騰中，看見已經覺得充滿暖意！先舀一小碗湯汁品嘗，微白的湯頭飄散著白胡椒的香氣，喝起來既溫潤又暖胃。再挾起清甜的白蘿蔔和索滿湯汁的豆卜入口，味道頗清淡、帶魚鮮味，既健康又有營養。接著輪到主角石斑仔，肉質好豐厚，而且魚味十足，加上魚肉吸回湯汁的味道，配埋「吊味」的芹菜和粟米，入味好吃，真令人想連魚骨也幹掉。
雖然這晚只點了三道菜，不過全部都好有水準，加上定價公道，服務員又勤快有禮，實在是物有所值。
題外話/補充資料：
註：白飯 $10 碗、茶每位 $8、汽水 $10 罐
(以上食評乃用戶個人意見 , 並不代表OpenRice之觀點。)
張貼
