Potluck Eatery

餐廳環境裝潢十分有心思，木質餐桌配上輕水泥風既牆身，播著輕快音樂，令人身心放鬆，餐廳主打西式料理，主打pasta、risotto同各種肉類料理。Set Dinner for Two有齊二人份既餐湯、頭盤、主菜、飲品和甜品，十分豐富。-Soup with Bread是日餐湯係椰菜花忌廉湯，味道較自然易入口，口感綿密creamy。蒜蓉包十分香脆，浸落忌廉湯食滋味十足。-Starter脆炸魷魚柚子雜菜沙律魷魚外皮炸得酥脆可口，魷魚味道鮮嫩同時有咬口，再加上滿滿既柚子粒同酸酸甜甜既沙律菜，層次感十足，是一道不錯既開胃菜。-Main羅勒青醬野菌粗管意粉羅勒青醬香味濃郁，鋪滿松子、芝士碎、蕃茄仔和野菌，整體味道香濃而不膩，粗管意粉輕易掛上醬汁和配料，食用時口感豐富。炭燒法式豬鞍架伴紅桑子汁法式豬鞍令人有驚喜，口感鮮嫩，一點柴既感覺都無，食落十分多汁juicy，有炭燒既香汁，配上紅桑子食令豬肉充滿果香味，甜蜜滋味。-Dessert of the Day每人有一份甜品，可選擇藍莓芝士蛋糕或雪糕，雪糕有抹茶或朱古力口味。-Drink伯爵紅茶英式奶茶