Sunlight House

營業中

休息中

旺角開咗間新嘅西班牙餐廳，除咗有傳統嘅Paella之外更有多款肉類、意粉、前菜、甜點供應。店內環境唔大但座位闊落，令人感覺舒適，而且食物定價親民，適合帶一家大細嚟聚餐。晚市套餐好抵食，有齊前菜、肉、主食同甜品。前菜有凍腸、湯同沙律，三款腸配上芝士，鹹鹹香香十分開胃、湯頭濃郁，飲落順滑、沙律新鮮，鮮甜，細細粉啱啱好。主食有煎焗鱈魚柳，兩塊上，肉質嫩滑，調味適中，而且完全唔油，值得一試。另外有脆皮德國咸豬手，上枱時香噴噴，賣相一流，外層脆身，肉質唔嚡，鹹度啱啱好，must try！澱粉當然唔少得西班牙飯，可以揀要雞肉、豬梅肉或者海鮮。飯帶點口感，都幾正宗，豬肉份量唔少，一人份差唔多。小食有炸魷魚鬚，外層薄身，肉質彈牙、最後以甜點作結，油炸鬼好好味，點埋醬汁啱啱好。