Savor Kitchen

營業中

休息中

今日同朋友喺銅鑼灣睇完戲，就係附近搵咗間餐廳到食飯，發覺原來永光中心呢幢大廈都幾多餐廳選擇，如是這我哋就嚟到呢間西餐廳到食飯。本灣章紅生魚薄片章紅魚切得好薄身，調味方面用咗檸檬皮、九層塔、英茜油、意大利白醋、初榨橄欖油，食落好清新一啲都唔腥，魚片好鮮甜好滑。手拆藍蟹肉多士藍蟹肉份量好多鋪滿晒係多士到，而個多士炸到好酥脆，連埋一齊食口感好豐富，蟹肉好鮮甜。白酒煮活蜆意粉意粉煮得爽口彈牙，蜆肉好新鮮，唔會食到有沙處理得好乾淨，配埋白酒一齊煮帶出蜆肉嘅鮮味，意粉入面加咗紅辣椒食落有少少辣，估唔到加入咗辣椒嘅意粉味道都幾夾。炭燒三黄雞胸青醬長通粉雞胸煮得啱啱好唔會好硬好乾，每一條長通粉沾滿菠菜同青醬口感好creamy，食落有淡淡嘅芝士味。香煎三文魚柳三文魚柳煎得外皮香脆，肉質好嫩滑，醬汁用咗法蔥、檸檬果茸、西洋菜汁，夾埋一齊食減輕咗三文魚嘅油膩感，味道好清爽。炭燒西冷西冷牛扒好香嘅炭燒味，牛扒唔會好韌，個薯蓉好滑好creamy ，再配埋忌廉同黑椒汁好好食，口感好豐富。意大利芝士蛋糕口感好柔滑，每一啖都充滿咖啡同奶香味，個蛋糕唔會好甜，面層灑上可可粉，食到停唔到口。