影片
更多
2021-11-07
65 瀏覽
地址－美蘭廚房鰂魚涌濱海街 20 - 22 號地舖💋自選車仔麵 (紅薯粉+招牌小辣辣汁+自家製韭菜水餃+酸菜腩肉+鹵水大腸)，佢呢個餐價錢都幾抵，配料都係$14，唔使$50食到一個主食係港島區黎講好似有點夢幻，首先講下個鹵水大腸先，佢大腸洗得幾乾淨下，冇臭味，佢D鹵水汁都鹵得幾入味下，食落唔錯，佢個酸菜腩肉幾好食，睇得出舊肉都幾有層次，肥瘦分明，酸菜味道同佢好夾，水餃就睇得出係人手包的，佢韭菜同豬肉比例剛好，食到韭菜香之餘，又不失肉味，一隻一口岩岩好。原本我地諗住試其他湯底的，但老闆娘好貼心地介紹佢款招牌辣汁，話係人手炒製，唔錯的，我地就聽從推介，一試，果然唔錯，佢辣汁內應該加入左咖哩去混合而成，好有層次，今次怕辣，所以小辣，下次試下一級中辣先，佢最正係每張枱都有盅辣菜脯任你加，加埋辣汁咁撈埋黎食，味道再提升一個層次，但小心，佢雖然寫小辣，但加埋落本身小辣的辣汁度大概會升多一級，勁過癮。💋生炸厚切豬扒飯(配秘製泰式汁)，由落柯打到上菜真係花左一段時間，證明生炸唔係假的，上菜時就發現等待係值得的，首先，佢份量算好多，而且成碗野出晒煙咁，成個畫面好治癒，豬扒真係勁厚，唔係A4厚度，咬落肉汁
鰂魚涌濱海街 20 - 22 號地舖
💋自選車仔麵 (紅薯粉+招牌小辣辣汁+自家製韭菜水餃+酸菜腩肉+鹵水大腸)，佢呢個餐價錢都幾抵，配料都係$14，唔使$50食到一個主食係港島區黎講好似有點夢幻，首先講下個鹵水大腸先，佢大腸洗得幾乾淨下，冇臭味，佢D鹵水汁都鹵得幾入味下，食落唔錯，佢個酸菜腩肉幾好食，睇得出舊肉都幾有層次，肥瘦分明，酸菜味道同佢好夾，水餃就睇得出係人手包的，佢韭菜同豬肉比例剛好，食到韭菜香之餘，又不失肉味，一隻一口岩岩好。原本我地諗住試其他湯底的，但老闆娘好貼心地介紹佢款招牌辣汁，話係人手炒製，唔錯的，我地就聽從推介，一試，果然唔錯，佢辣汁內應該加入左咖哩去混合而成，好有層次，今次怕辣，所以小辣，下次試下一級中辣先，佢最正係每張枱都有盅辣菜脯任你加，加埋辣汁咁撈埋黎食，味道再提升一個層次，但小心，佢雖然寫小辣，但加埋落本身小辣的辣汁度大概會升多一級，勁過癮。
💋生炸厚切豬扒飯(配秘製泰式汁)，由落柯打到上菜真係花左一段時間，證明生炸唔係假的，上菜時就發現等待係值得的，首先，佢份量算好多，而且成碗野出晒煙咁，成個畫面好治癒，豬扒真係勁厚，唔係A4厚度，咬落肉汁都豐腴，又脆身，配埋佢秘製泰式汁，酸酸甜甜咁，好正。
張貼
